मेष ( चु, चे, चो, ला, लि, लु, ले, लो, अ )कार्यक्षेत्रमा बाधा आउन सक्छ। प्रशासनिक मामिलाहरू सुल्झिनाले लाभ मिल्नेछ। नयाँ योजनाहरूमा धन खर्चका योग छन्। चिसोबाट जोगीनुहोस्। शरीरमा थकान र कमजोरी महसुस हुनेछ।
वृष ( इ, उ, ए, ओ, वा, वि, वु, वे, वो )उद्योग र व्यवसायबाट विशेष लाभ मिल्नेछ। कार्यक्षेत्रमा रोकिएका काम बन्नको साथै नयाँ कार्य प्रारम्भ हुनेछ। उच्च पदस्थ व्यक्तिहरूसँगको भेटघाटले मन हर्षित रहनेछ। जीवन साथीसँग वादविवाद हुने सम्भावना रहेको छ।
मिथुन ( का, कि, कु, घ, ङ, छ, के, को, हा )व्यापार क्षेत्रमा प्रतिस्पर्धीहरूसँग सावधान र सतर्क रहनुपर्ने हुन्छ। पारिवारिक कार्यमा व्यस्तता बढ्नेछ। धनको लेनदेनमा सचेत रहनुहोला। राज्यपक्षको सहयोग मिल्न गाह्रो होला।
कर्कट ( हि, हु, हे, हो, डा, डि, डु, डे, डो )पारिवारिक सद्भाव बढ्नेछ। सन्तानको प्रगतिले मन उत्साहित रहनेछ। मित्रवर्गको सहायताले सफलता मिल्नेछ। कार्यक्षेत्रमा गरिएको प्रयासले सफलता मिल्नेछ।
सिंह ( मा, मि, मु, मे, मो, टा, टि, टु, टे )घरपरिवारमा वादविवाददेखि बच्नुहोस्। बाणीमा संयम राख्नुहोला। विद्यार्थीहरूलाई पढाइमा आज मेहनतको अनुरुप सफलता नमिल्ला। राजनीतिक क्षेत्रमा प्रभाव बढ्नेछ।
कन्या ( टो, पा, पि, पु, ष, ण, ठ, पे, पो )धैर्य र पराक्रमले व्यापार क्षेत्रमा मनग्य लाभ हुनेछ। भौतिक सुख सुविधामा वृद्धि हुनेछ। प्रशंसनीय कार्यले प्रतिष्ठा बढ्नेछ। कमजोरीमा अवसर खोज्नेहरुबाट सतर्क रहनुहोला। न्यायिक क्षेत्रमा सफलता मिल्नेछ।
तुला ( रा, रि, रु, रे, रो, ता, ति, तु, ते )कार्यक्षेत्रमा अनुकूल स्थानान्तरणका योग रहेको छ। परिस्थितिले गर्दा नयाँ जिम्मेवारी मिल्नेछ। प्रेम सम्बन्ध सुमधुर रहनेछ। प्रतिस्पर्धात्मक परीक्षाहरूमा उत्कृष्ट सफलता प्राप्त गर्ने सम्भावना रहेको छ।
वृश्चिक ( तो, ना, नि, नु, ने, नो, या, यि, यु )अधिकारी वर्गहरूसँगको मेलमिलापले लाभ मिल्नेछ। कार्यस्थलमा ठूला परियोजनाहरू हात पार्न सकिनेछ। रोकिएको धन पुनः फिर्ता हुने सम्भावना रहेको छ।
धनु ( ये, यो, भा, भि, भु, धा, फा, ढा, भे )दिखावा गर्नदेखि बच्नुहोस्। नयाँ सम्पर्कले गर्दा लाभ मिल्नेछ। सरकारी कामकाजमा बाधा आउन सक्ला। आध्यात्मिक क्षेत्रमा सफलता मिल्नेछ।
मकर ( भो,जा,जि,जु,जे,जो,ख,खि,खु,खे,खो,गा,गि )नयाँ जागिर वा नोकरीमा सफलता मिल्नेछ। आर्थिक वा सामाजिक प्रतिष्ठा बढ्नेछ। शैक्षिक क्षेत्र मध्यम रहनेछ। शेयर बजारबाट लाभ मिल्नेछ। व्यापारलाई लिएर यात्रा गर्नुपर्छ।
कुम्भ ( गु, गे, गो, सा, सि, सु, से, सो, दा )कार्य कुशलताले अधिकारी वर्गहरू प्रभावित रहनेछन्। उच्च शिक्षामा आइरहेको बाधा पन्सिनेछ। पायक स्थानमा भ्रमणको योग रहेको छ। आत्मविश्वास बढ्नेछ।
मीन ( दि, दु, थ, झ, ञ, दे, दो, चा, चि )आयस्रोत सबल रहनेछ। नोकरी वा पेशामा पदोन्नतिको योग रहेको छ। धार्मिक मठ मन्दिरको यात्रा हुनसक्ला। पशुधनबाट राम्रो लाभ हुनेछ। नयाँ पहिरनको लाभ मिल्नेछ।
प्रतिक्रिया दिनुहोस्