मेष राशि (चु, चे, चो, ला, लि, लु, ले, लो, अ): आजको दिन भौतिक साधन जुट्नेछन् र दिगो फाइदा हुने काम सुरु हुन सक्छ । सहयोगीहरूले फाइदा दिलाउनेछन् । मेहनतले प्रतिस्पर्धाको दौड जिताउन सक्छ । तथापि, अरूको भर पर्दा धोका हुन सक्छ । परिस्थितिअनुसार चल्न नसक्ता दुःख पाइनेछ ।

बृष राशि (इ, उ, ए, ओ, बा, बि, बु, बे, बो): केही अवसर जुटे पनि आजको परिस्थिति अलिक संघर्षमय रहला । हठ गर्ने बानीले समस्या निम्त्याउन सक्छ । अरूको सुझावमा भर नपर्नु उचित हुनेछ । कसैसंग सामान्य मनमुटाव पनि पर्न सक्छ । अप्ठ्यारा कामको बोझ थपिन सक्ने योग छ । पढाइलेखाइमा प्रगति होला ।

मीथुन राशि (का, कि, कु, घ, ङ, छ, के, को, ह): सामान्य कामबाट पनि राम्रो लाभ उठाउन सकिने समय छ । लगनशीलताले कीर्तिमानी दिलाउला । मानसम्मान पनि पाइने देखिन्छ । महत्वाकांक्षी योजना तत्काल सार्वजनिक नगर्नु नै बेस हुनेछ । विशेष कार्य गर्दै हुनुहुन्छ भने परिवारजनको सहयोग लिने प्रयास गर्नु उचित हुनेछ ।

कर्कट राशि (हि, हु, हे, हो, डा, डि, डु, डे, डो): कामबाट फुर्सदिलो भएको अनुभूति हुने दिन छ । कतै अतिथिका रूपमा सत्कार समेत पाइने सम्भावना छ । प्रयत्न गर्दा घरेलु काममा फाइदा पुग्ला । रोकिएका काममा दोहोऱ्याएर प्रयत्न गर्दा सफलता मिल्ने योग छ । दाम्पत्य सम्बन्धमा केही असमझदारी बढ्न सक्छ, सचेत रहनुहोला । कृषि तथा पशुपालन कार्यमा खर्च बढ्ने देखिन्छ । आरोग्यता रहनेछ ।

सिंह राशि (मा, मि, मु, मे, मो, टा, टि, टु, टे): मान र विद्या प्राप्त हुने समय छ । विशेष उपहार प्राप्त हुनुका साथै राम्रै धनलाभ हुने देखिन्छ । व्यापार-व्यवसायमा लाभ हुनेछ भने व्यावसाय विस्तारका लागि यात्रा गर्ने अवसर जुट्ला । पुरानो समस्याले केही झमेला आइलाग्न सक्छ । आर्जित धन तत्काल खर्च गर्नुपर्ने योग छ । जग्गा जमिनबाट भने राम्रै लाभ मिल्ने समय छ । रसरागको कार्यक्रममा आकर्षण रहला ।

कन्या राशि (टो, प, पि, पु, ष, ण, ठ, पे, पो): न्यून उपलब्धिका लागि निकै मिहिनेत गर्नुपर्ने समय छ । नयाँ काममा हात हाल्न केही समय पर्खनु उचित होला । उद्योग तथा व्यापारमा सामान्य फाइदा मिल्नेछ । नचिताएको ठाउँमा धननाश हुने दिन छ । स्वास्थ्यमा कमजोरी एवं काममा अवरोध आउनाले मन खिन्न रहनसक्छ, धैर्य राख्नुहोला । सहयोगीहरूले हात झिक्नाले केही समस्या थपिने देखिन्छ ।

तुला राशि (र, रि, रु, रे, रो, ता, ति, तु, ते): नयाँ काममा हात हाल्ने समय आएको छ । काममा सफलता पाउन केही प्रतिस्पर्धा भने गर्नुपर्नेछ । विशेष उपहारका साथ प्रेमको प्रस्ताव प्राप्त हुनसक्ने योग छ । शत्रुहरूको चलखेल बढ्नाले चुनौतीको सामना गर्नपर्ला, ध्यान राख्नुहोला । अल्छी गर्ने बानीले समस्या निम्त्याए पनि मेहनतीहरूका लागि समय उत्साहजनक रहनेछ ।

बृश्चिक राशि (तो, ना, नि, नु, ने, नो, या, यि, यु): चिताएका काम बिस्तारै भए पनि सम्पादन हुनेछन् । लगनशीलताले राम्रै उपलब्धि दिलाउनेछ । मिठो बोलीको माध्यमले धेरैलाई मन्त्रमुग्ध बनाउन सकिनेछ । व्यवसायमा लगानी बढाउने मौका जुर्न सक्छ । अवसरलाई पछ्याउन नसक्दा हातमा आएको मौका गुम्न सक्छ, सचेत रहनुहोला ।

धनु राशि (ये, यो, भ, भि, भु, ध, फा, ढ, भे): सेवामूलक कामबाट धनलाभ हुने देखिन्छ । सन्तान वा सहयोगीका माध्यमबाट काम बन्नेछ । पढाइलेखाइमा सामान्य प्रगति हाोला । नजिकका साथीभाइ टाढिए पनि टाढाका साथीभाइसँग सम्बन्ध जोडिने समय छ । व्यापारमा नसोचेको फाइदा उठ्ने देखिन्छ । बौद्धिक र रचनात्मक कार्य बन्नेछ ।

मकर राशि (भो, ज, जि, खि, खु, खे, खो, गा, गि): श्रमको उचित मूल्य पाइनुका साथै आम्दानी पनि बढ्ने समय छ । भौतिक साधन जुट्नाले दिगो फाइदा हुने काम प्रारम्भ हुन सक्छ । व्यवसायमा आम्दानी बढ्ने देखिन्छ । इर्ष्या गर्नेहरूले भने दुःख दिन सक्छन् ।

कुम्भ राशि (गु, गे, गो, सा, सि, सु, से, सो, द): भौतिक साधन जुट्नाले आम्दानी बढाउने काम सुरु गर्न सकिने समय छ । आयआर्जन राम्रै हुने देखिन् । विभिन्न अवसर प्राप्त भए पनि अरूको मुख ताक्ने बानीले काममा धोका हुन सक्छ । सरल जीवनशैलीले धेरैको मन लोभ्याउने छ ।

मिन राशि (दि, दु, थ, झ, ञ, दे, दो, च, चि): पराक्रम वृद्धि हुनेछ । तपाईंको प्रतिभाको कदर हुनेछ । बौद्धिक प्रतिस्पर्धामा अरूलाई उछिन्न सकिएला । दिगो आम्दानी हुने काम सुरु गर्ने मौका जुर्ने देखिन्छ । प्रतिष्ठित काम गरेर धेरैको स्याबासी प्राप्त गर्न सकिनेछ । भूमि तथा कृषिबाट पनि फाइदा हुने योग छ ।