जग्गा हडप्ने प्रधानपञ्चलाई पछार्ने फियाक बने भूमि आयोगका अध्यक्ष 

भर्खरै भूमि समस्या समाधान आयोग पाँचथरका अध्यक्ष नियुक्त भएका फियाकको राजनीतिक यात्राको टर्निङ पोइन्ट निक्कै रोमाञ्चक र अनुकरणीय छ । कुरा २०२५ सालतिरको हो । उनी टुहुरो भइसकेका थिए । गाउँमा एकजना आफ्न्त प्रधानपञ्च थिए । ती प्रधानपञ्चले रु २५ सय दामकाम गरेर जग्गा नामसारी गरि लगे । दामकाम गरे तर एक पैशा दिएनन् । उल्टो ५ तोला सुन लगे त्यो पनि पचाए । अनेक उपाय गर्दा पनि न सुन फिर्ता आयो न जग्गाको पैशा ।

विस्तारै धनकुमारलाई आफु ठगिएको मात्र होइन हेपिएको महसुस हुन थाल्यो । मनमनै बदला लिने सोच बनाए तर कसरी ? पञ्चायत पालाका प्रधानपञ्चसंग एउटा मामुली मान्छेले जोरी खोज्नु चानचुने कुरा थिएन । राजनीति बाहेक अन्य तरिकाबाट ठेगान लगाउन नसकिने निष्कर्ष सहित अन्तत फियाक आफै राजनीतिमा होमिए ।

रंगभेदविरुद्धको आन्दोलनमा २७ बर्ष जेल जीवन विताएको दक्षिण अफ्रिकाका पहिलो अश्वेत राष्ट्रपति नेल्सन मण्डेलाले सन् १९९४ राष्टपति भएपछि भनेका थिए ‘यो देश सबैको हो, जो यहाँ बसोबास गर्छन । हामी सबैको समृद्धिको पक्षमा छौ ।’ आफुलाई हिजो प्रताडित गर्नेलाई पराजय गरेर आफु शक्तिमा आएपछि फियाकले मण्डेलको पथ पछ्याए । सबैलाई समान व्यवहार गरे । त्यो थुम्कोमा पुगेपछि उनले थाहा पाए अझै चूलीहरु बाँकी नै रहेछन् । अनि दशर्कौपछि आफ्नो छोराहरुसंगै पुन त्यहि विद्यालयमा पढे एसएलसी पास गरे । ६ भाई छोरा ३ बहिनी छोरी हुर्काए । शिक्षादिक्षा दिए र राजनीतिक यात्रा जारी राखे ।