काठमाडाैं । निमा पुस्तक प्रकाशनले पूर्वी नेपालका विभिन्न जिल्लामा एसइइ दिने विद्यार्थी लक्षित अभिमुखीकरण तालिम तथा अन्तक्रिया कार्यक्रम सम्पन्र गरेकाे छ ।
पूर्वी नेपालका विभिन्न जिल्ला ताप्लेजुङको फुङ्लिङमा माघ १२,पाँचथरकाे फिदिममा माघ १३ र इलामकाे फिक्कलमा माघ १४ गते अङ्ग्रेजी, विज्ञान तथा प्रविधि र सामाजिक अध्ययनका लागि शिक्षक अभिमुखीकरण तालिम तथा अन्तक्रिया कार्यक्रम ताप्लेजुङ प्याब्सन, पाँचथर प्याब्सन र सूर्योदय नगरपालिकाको सहकार्यमा सम्पन्र भएकाे हाे ।
कार्यक्रममा डा. हिरालाल सुवेदी (अङ्ग्रेजी), जयनन्द कपाडी (विज्ञान तथा प्रविधि), मोहन घिमिरे ( सामाजिक अध्ययन) र मान बहादुर सुनार (सामाजिक अध्ययन) ले प्रशिक्षार्थीहरुलाई सम्बन्धित विषयको अध्यापनमा रहेका विविध कठिनाइहरुलाई कसरी कम गर्न सकिन्छ भन्ने विषयमा सहजीकरण गर्नुभएको थियो ।
साथै प्रशिक्षार्थीहरुलाई विशिष्टीकरण तालिकाको महत्व र प्रभावकारी प्रश्नपत्र निर्माण लगायतका विषयमा पनि प्रस्ट पारिएको थियो। कार्यक्रमका अतिथि वक्ताहरुले निमा पुस्तक प्रकाशनको यो प्रयासको माध्यमबाट शिक्षकले आफूलाई अझै तिखार्दै लिने र सोको प्रतिविम्ब कक्षाकोठामा देखिने हुनाले अन्ततः विद्यार्थीवर्ग लाभान्वित बनी गुणस्तरीय शिक्षा प्रदान गर्न सजिलो हुने विश्वास व्यक्त गर्नुभएको थियो।
निमा पुस्तक प्रकाशनका शैक्षिक निर्देशक मोहन घिमिरेले कार्यक्रमको उद्देश्यमाथि प्रकाश पार्नुभएको थियो भने सन्तोष अधिकारी र गणेश प्रसाईले कार्यक्रमकाे व्यवस्थापकीय जिम्मेवारी सम्हाल्नुभएको थियो।
प्रतिक्रिया दिनुहोस्