मेष राशि (चु, चे, चो, ला, लि, लु, ले, लो, अ): शक्तिशाली व्यक्तिहरूसँग प्रतिस्पर्धा बढ्न सक्ने समय छ । आफ्ना सहयोगी नै प्रतिस्पर्धीका रूपमा देखापर्न सक्छन्, तर पहिलेको उपलब्धिले काममा उत्साह जगाउने देखिन्छ । रोकिएको काम बन्नाले उत्साह जागृत होला । धार्मिक क्रियाकलापमा रुचि जाग्नेछ । रचनात्मक कामले आम्दानीको दिगो स्रोत जुट्न सक्ने योग छ ।

बृष राशि (इ, उ, ए, ओ, बा, बि, बु, बे, बो): कर्मयोग अभिवृद्धि हुने समय भएपनि आज केही अस्वस्थताको महसूस हुन सक्छ । सबल स्वास्थ्यका लागि खानपानमा सजग रहनुहोला । कामको बोझ बढ्नेछ । इर्ष्या गर्नेहरुले फसाउन सक्छन् । आश्वासन बाँड्नेहरूले झुक्याउन सक्छन्, सचेत रहनुहोला । मनोरञ्जनात्मक क्रियाकलापमा सहभागी भइएला ।

मीथुन राशि (का, कि, कु, घ, ङ, छ, के, को, ह): प्रियजनसँग भेटघाट र प्रशन्नताको समय छ । विभिन्न अवसर प्राप्त हुनेछन् भने रचनात्मक काम गरेर पुरानो अवस्थामा सुधार ल्याउन सकिनेछ । तर्कशक्ति बढे पनि कुराकानी गर्दा गोपनीयतामा ध्यान दिनु हितकर होला । आक्षेप लगाउनेहरू सक्रिय हुनसक्ने योग रहेकोले व्यवहारमा सजगता अपनाउनु उचित हुनेछ ।

कर्कट राशि (हि, हु, हे, हो, डा, डि, डु, डे, डो): शुरुमा व्यावहारिक झमेला आइलागेको अनुभूति हुनसक्छ, तर अप्ठ्यारो परिस्थितिमा पनि आश मारेको काम बन्नाले उत्साह जाग्नेछ । कामको उपलब्धि देखाएर थप फाइदा उठाउन सकिने समय छ । प्रशंसकहरू बढ्नेछन् भने दीर्घकालीन काममा लगानी गर्ने अवसर प्राप्त हुने योग छ ।

सिंह राशि (मा, मि, मु, मे, मो, टा, टि, टु, टे): प्रेम र मित्रताको बन्धन कसिलो हुने दिन छ । रमाइलो यात्राको अवसर जुट्ला । इच्छाशक्ति बढ्नुका साथै विशेष योजना सार्थक तुल्याउन सकिने.क्षमता अभिवृद्धि होला । पारिवारिक जमघटको फाइदा उठाउँदै विभिन्न परिकारको आनन्द लिन पाइनेछ । रमाइलो यात्राको अवसर जुट्ने देखिन्छ ।

कन्या राशि (टो, प, पि, पु, ष, ण, ठ, पे, पो): मिश्रित फलदायी दिन छ । नजिकका मित्रजन टाढिनसक्ने र विश्वास गरेकाले धोका दिने सम्भावना छ । अनपेक्षित परिस्थितिको बन्धनमा परिने योग भएकाले विशेष सजगता र धैर्यपूर्ण व्यवहारको खाँचो पर्ला । अप्ठ्यारा परिस्थितिसँग सम्झौता गर्नुपर्दा मन खिन्न रहनेछ, तथापि सुखदुःखमा साथ दिने हितौषीजन पनि फेला पर्नेछन् ।

तुला राशि (र, रि, रु, रे, रो, ता, ति, तु, ते): बोली र व्यवहारमा विशेष सजग रहनुपर्ने समय छ । आवश्यकताभन्दा ज्यादा अभिव्यक्ति दिनाले विवाद निम्त्याउन सक्छ । दुइतर्फी कुरा लगाएर सम्बन्धमा फाटो उत्पन्न गर्ने छुस्कटहरू सक्रिय रहन सक्छन्, होसियारीको दरकार छ । हिसाबकिताबमा सावधान नहुँदा विवादमा परिने सम्भावना छ ।

बृश्चिक राशि (तो, ना, नि, नु, ने, नो, या, यि, यु): मेहनतले जीवनशैलीमा परिवर्तन ल्याउन सकिने समय छ । आँटेका काम बन्नाले जोश–जाँगर वृद्धि होला । सहयोगीहरू जुट्नाले काममा फाइदा उठाउन सकिनेछ । प्रेम र मित्रताको बन्धन कसिनेछ भने मिष्ठान्न भोजन मिल्नेछ । आजको दिन खर्च भने केही वृद्धि हुन सक्छ, खर्च नियन्त्रणको प्रयास गर्नु उचित होला ।

धनु राशि (ये, यो, भ, भि, भु, ध, फा, ढ, भे): व्यवसायमा केही उतारचढाव आए पनि अन्ततः फाइदै हुने समय छ । साथीभाइले साथ दिनेछन् । अध्ययन तथा अध्यापनमा अनुकूलता वृद्धि होला । मित्रहरूको सञ्जाल फराकिलो हुनुका साथै प्रेमको गाँठोसमेत कसिन सक्छ । अरूको भावना बुझ्ने चेष्टा गर्नु हितकर होला ।

मकर राशि (भो, ज, जि, खि, खु, खे, खो, गा, गि): पढाइलेखाइमा जाँगर बढ्नुका साथै प्रगति हुने समय छ । खर्च लागे पनि विशेष कार्यको प्रयास सफल होला । आजको दिन स्वास्थ्य केही कमजोर रहन सक्छ, ख्याल राख्नुहोला । विशेष खानपानको अवसर जुर्नसक्छ, तर मनलाई नियन्त्रण गरेकै राम्रो ।

कुम्भ राशि (गु, गे, गो, सा, सि, सु, से, सो, द): राम्रो अवसरको खोजीमा केही दौडधुप गर्नुपर्ने समय छ । नजिकका आफन्त टाढिन सक्छन्, तर विशिष्ट जनसँग मित्रता बढ्न सक्छ । पुराना साथीभाइसँग भेटघाट गर्ने अवसर जुट्नेछ ।

मिन राशि (दि, दु, थ, झ, ञ, दे, दो, च, चि): कर्मबल बढ्नेछ । समुदायको हक हितको संरक्षण गर्दै धेरैको भलाइ हुने काम गर्न सकिने समय भएपनि नाता गाँस्नेहरूले केही दुःख दिन सक्छन्, सजग रहनुहोला । रोकिएका काममा दोहो¥याएर प्रयास गर्दा सार्थक हुने देखिन्छ । लगनशीलताले कीर्तिमानी दिलाउन सक्छ ।