Ads

२०८१ फाल्गुन १९ गते सोमबार, तपाईको दैनिक राशिफल


मेष राशि (चु, चे, चो, ला, लि, लु, ले, लो, अ): विगतको लगानी तथा श्रमबाट राम्रै प्रतिफल मिल्ने समय छ । आर्थिक काम बन्नेछ । खर्च लागे पनि भविष्यका लागि विशेष काममा जग बसाउने अवसर जुट्ला । व्यापार तथा उद्योगतर्फ लगानी बढाउन सकिनेछ । स्वास्थ्यमा सामान्य कमजोरी महसूस हुन सक्छ । विदेशयात्राको प्रयत्नमा रहेका व्यक्तिका लागि समय अनुकुल छ ।

बृष राशि (इ, उ, ए, ओ, बा, बि, बु, बे, बो): आम्दानीको तुलनामा खर्च अलिक बढी हुनाले आर्थिक समस्या देखापर्न सक्छ । पराक्रम वृद्धिका बाबजुद काममा ढिलासुस्तीको योग छ । चोटपटकको योग देखिएकाले आजको दिन सवारीसाधन तथा हातहतियार उपयोग गर्दा सचेत रहनु हितकर होला । शक्तिशाली व्यक्तिहरू प्रतिस्पर्धामा उत्रने सम्भावना रहेकोले गोपनीयतामा ध्यान दिनु उचित हुनेछ ।

मीथुन राशि (का, कि, कु, घ, ङ, छ, के, को, ह): भाग्यबल बढ्नेछ । आँट साहस पराक्रम बढ्नेछन् । नोकरीमा पदोन्नति र पढाइलेखाइमा पनि प्रगतिको समय छ । आफन्तजनको सहयोगले विशेष फाइदा होला । नयाँ नोकरी प्राप्ति तथा पदोन्नतिको सम्भावना प्रवल छ । आजको दिन खर्च बढ्ने देखिन्छ, खर्च नियन्त्रणको चेष्टा गर्नुहोला । कुनै पनि काममा बलजफ्ती नगर्नु उचित हुनेछ ।

कर्कट राशि (हि, हु, हे, हो, डा, डि, डु, डे, डो): दौडधुप वृद्धि भएपनि पुरस्कार, प्रशंसा, ख्याति आदि पाइने समय छ । मेहनतले नाम, दाम र इनाम हातपार्न सकिनेछ । प्रेम र मित्रताको बन्धन कसिएला । प्रतिस्पर्धी परास्त हुनेछन् भने भौतिक साधन जुटाउन सकिनेछ । कृषिउपज र पशुधनबाट पनि राम्रै फाइदा हुने योग छ ।

सिंह राशि (मा, मि, मु, मे, मो, टा, टि, टु, टे): रोकिएका काम बन्नुका साथै आयआर्जनका स्रोतसमेत बढ्नेछन् । दिगो आम्दानी हुने काम सुरु गर्ने समय छ । खुसीको समाचार सुन्न पाइएला । नयाँ व्यापार-व्यवसाय विस्ताको योग छ । आध्यात्मिक कार्यमा खर्च हुन सक्छ ।

कन्या राशि (टो, प, पि, पु, ष, ण, ठ, पे, पो): आजको दिन मिश्रित फलदायी रहला । राम्रै आम्दानी हुने रोजगारीको अवसर मिल्न सक्ने योग छ । तर, समयमा काम सम्पन्न गर्न नसक्दा हातबाट अवसर फुत्कन सक्छ । सञ्चित धन खर्च हुने देखिन्छ, सजग रहनुहोला । स्वास्थ्यसम्बन्धी सामान्य समस्या देखिनसक्छ । आर्थिक लेनदेनमा सजगता अपनाउनु उचित हुनेछ ।

तुला राशि (र, रि, रु, रे, रो, ता, ति, तु, ते): बोलीकै भरमा काम सम्पादन गर्ने समय छ । प्रेम र मित्रताको गाँठो कसिन सक्छ । आजको दिन तपाईंको कमजोरीप्रति टिप्पणी वा गुनासो बढ्न सक्ने योग छ । आफन्तसँग असमझदारी बढे पनि शुभचिन्तकहरूले साथ दिनेछन् । सामाजिक प्रतिष्ठा जोगाउन आफ्ना योजना गोप्य राख्नुहोला ।

बृश्चिक राशि (तो, ना, नि, नु, ने, नो, या, यि, यु): व्यस्तता र सामर्थ्य बढ्नेछ । नयाँ कार्ययोजना बन्ने र नयाँ कामको सुरुवात हुनसक्ने दिन छ । काम सामान्य भए पनि राम्रो आम्दानी होला । दिगो फाइदा हुने काममा लगानी गर्ने अवसर जुट्न सक्छ । परोपकारजन्य कार्यहरू सम्पादन हुनेछन् । परिवारजनमा भने केही असमझदारी बढ्न सक्छ ।

धनु राशि (ये, यो, भ, भि, भु, ध, फा, ढ, भे): हिम्मतले काम लिने समय छ । पुरुषार्थ देखाएर नाम, दाम र इनाम हात पार्न सकिएला । बुद्धिको उपयोगले सफलताको सूत्र पत्ता लगाउन सकिनेछ । उत्तम वस्त्र, भोजन र विशेष उपहार हातलागी हुन सक्छ ।

मकर राशि (भो, ज, जि, खि, खु, खे, खो, गा, गि): आजको दिन महत्त्वपूर्ण काममा सफलता मिल्नाले उत्साह बढ्ला । आकस्मिकरुपले धनलाभ हुन सक्छ । पढाइलेखाइमा रूचि बढ्नेछ । श्रमको उचित मूल्यांकन हुनेछ । यात्रागत कार्यमा केही खर्च वृद्धि होला । मन मिल्ने साथीभाइ अलिक टाढिने एवम्प्रेम सम्बन्धमा समस्या आउनसक्ने योग छ ।

कुम्भ राशि (गु, गे, गो, सा, सि, सु, से, सो, द): कुनै पनि प्रकारको शारीरिक र आर्थिक विकाससित सम्बन्धित कार्यमा सफलता मिल्ने समय छ । विशिष्ट व्यक्तित्वहरूसँग मित्रता बढ्ला । विपरीतलिंगी वा शुभचिन्तकहरूले साथ दिनेछन् । भूमि, वाहन र पैत्रिक सम्पत्तिको उपयोग गरी थप फाइदा उठाउन सकिनेछ ।

मिन राशि (दि, दु, थ, झ, ञ, दे, दो, च, चि): समय शुभदायी छ । साझेदारीको काम बन्नेछ । सुख सुविधाको बस्तु बढ्नेछन् । प्रेम र मित्रताको बन्धन कसिने समय छ । अस्थायी पेसाबाट मनग्य फाइदा हुने देखिन्छ । दाम, इनाम र प्रतिष्ठा कमाउने अवसर जुर्ला ।

Ads

सम्बन्धित पोष्टहरू