मेष राशि (चु, चे, चो, ला, लि, लु, ले, लो, अ): आजको दिन सोचेअनुसार सहज नहुने भएपनि प्रयत्न गर्दा महत्वपूर्ण उपलब्धि हासिल गर्न सकिनेछ । अनावश्यक भेटघाटका प्रसङ्गहरूलाई पन्छाउने प्रयत्न गर्नु उचित हुनेछ । स्वास्थ्यसम्बन्धी सामान्य सम्स्या पैदा हुने देखिन्छ, खानपानमा विशेष ध्यान पुऱ्याउनु पर्नेछ ।
बृष राशि (इ, उ, ए, ओ, बा, बि, बु, बे, बो): लामो समयदेखि रोकिएको काम बन्नुका साथै आम्दानीको स्रोतसमेत बढ्ने समय छ । पारिवारिक आवश्यकता पूर्ति होला । श्रमको उचित मूल्यांकन हुनेछ । प्रेम प्रसङ्ग मौलाउँदा महत्वपूर्ण कार्यमा असर पर्नसक्छ, विवेक पुऱ्याएर व्यवहार गर्नुहोला । अध्ययन तथा अध्यापन कार्यमा आवश्यक जाँगर नचल्ने देखिन्छ ।
मीथुन राशि (का, कि, कु, घ, ङ, छ, के, को, ह): आजको दिन बौद्धिक कार्यमा तीब्रता आउनुको साथै जोश र जाँगर बढ्ने, पुराना समस्या सुल्झाउने अवसर मिल्ने देखिन्छ । अरुको विश्वास सजिलै जित्न सकिएला । तथापि, अवसर आए पनि समयमा निर्णय लिन नसक्दा पछि परिने सम्भावना छ । धैर्यले काम लिने प्रयत्न गर्नुहोला ।
कर्कट राशि (हि, हु, हे, हो, डा, डि, डु, डे, डो): दिन शुभदायी छ । चुनौतीहरू पन्छाउँदै रोकिएका काम बनाउन सकिएला । खर्च लागे पनि दिगो फाइदा हुने काममा लगानी गर्ने अवसर जुट्न सक्छ । सामान्य आम्दानी भइरहला । नयाँ काम पाउने योग छ । शैक्षिक व्यवसाय गर्नेहरुका लागि समय अनुकूल रहनेछ ।
सिंह राशि (मा, मि, मु, मे, मो, टा, टि, टु, टे): शत्रु तथा प्रतिस्पर्धीलाई सजिलै हराउन सकिने समय छ । गरिएका कर्मको उचित प्रतिफल पाइएला । उद्योग र व्यापारमा विशेष फाइदा हुनेछ । छरछिमेकमा केही असमझदारी बढ्ने योग देखिए पनि विवेकको सही प्रयोगले समस्या बल्झिन पाउनेछैन ।
कन्या राशि (टो, प, पि, पु, ष, ण, ठ, पे, पो): दैनिक कार्य सामान्य रहेपनि आजको दिन लेनदेनमा विवाद बढ्ने सम्भावना रहेकोले आर्थिक कारोबारमा विशेष सजगता अपनाउनुहोला । विगतको श्रमबाट लाभ मिल्ने समय छ । मानसम्मानमा आघात पुग्नसक्ने योग रहेकोले बोली र व्यवहारमा लगाम लगाउनुहोला ।
तुला राशि (र, रि, रु, रे, रो, ता, ति, तु, ते): रोकिएका काम बन्ने र नयाँ काम सुरु गर्ने समय छ । सहयोगीहरूले राम्रो साथ दिनेछन् । नयाँ जिम्मेवारी हात पार्न सफल भइनेछ, जसबाट आर्थिक लाभ मिल्नसक्छ । स्वअधिकार सुरक्षा गर्न विशेष प्रयत्न गर्नुपर्ने देखिन्छ । धार्मिक तथा परोपकारजन्य क्रियाकलापबाट प्रतिष्ठा पाइएला ।
बृश्चिक राशि (तो, ना, नि, नु, ने, नो, या, यि, यु): समुदायको हकहितको लागि महत्वपूर्ण काम गर्न सकिने समय छ । धेरैको भलाइ हुने काम गर्न सकिएला । लगनशीलताले कीर्तिमानी दिलाउन सक्छ । शत्रु र रोगबाट छुटकारा मिल्नेछ । विभिन्न उपहार प्राप्त हुने योग छ । विदेश बसोबासको प्रयासमा हुनुहुन्छ भने सजिलै मिल्नेछ ।
धनु राशि (ये, यो, भ, भि, भु, ध, फा, ढ, भे): धेरैले तपाईंका कामको तारिफ गर्नेछन् । कीर्तिमानी काम गर्ने अवसर प्राप्त हुनेछ । प्रतिष्ठा कमाउने योग छ । बौद्धिक प्रतिस्पर्धामा विजयी भइएला । तर, महत्वपूर्ण योजनामा कार्यसम्पादन गर्न नसकिएला । निर्णायक क्षमतामा कमी आउन सक्छ ।
मकर राशि (भो, ज, जि, खि, खु, खे, खो, गा, गि): मिश्रित फलदायी समय छ । आम्दानीका अवसरहरू प्राप्त हुनेछन् भने भुलेका मित्रहरुले सम्झनेछन् । तर, आजको दिन कसैसंग विवाद वा झगडा हुनसक्छ, संयमता राख्नुहोला । अरूको विश्वासमा पर्दा अन्त्यमा धोका पाइएला । केही अप्ठ्यारा परिस्थितिसँग सम्झौता गर्नुपर्दा मन खिन्न रहने सम्भावना छ ।
कुम्भ राशि (गु, गे, गो, सा, सि, सु, से, सो, द): आश मारेको कामले उत्साह जगाउने समय छ । तत्काल लाभ नभए पनि विभिन्न सकारात्मक संकेतहरू प्राप्त हुनेछन् । महत्वाकांक्षी योजना फलीभूत होलान् । कुनै समस्या वा महत्वपूर्ण काममा मातापिताको सहयोग प्राप्त हुनेछ । कृषि/चौपायाबाट विशेष लाभ मिल्ने योग छ । तपाईंका कमी-जोरीमाथि टिप्पणी हुन सक्छ ।
मिन राशि (दि, दु, थ, झ, ञ, दे, दो, च, चि): व्यावसायिक काममा राम्रै फड्को मार्न सकिने समय छ । पशुपालन तथा कृषि क्षेत्रबाट पनि राम्रो लाभ मिल्ला । कामको चाप बढेपनि धन आर्जन हुने योग छ । काममा लगनशील बन्न नसक्ता आलोचनाको शिकार बन्ने सम्भावना पनि छ ।
प्रतिक्रिया दिनुहोस्