मेष राशि (चु, चे, चो, ला, लि, लु, ले, लो, अ): पहिलेको सफलताले थप हौसला जगाउने र प्रतिस्पर्धीहरूलाई पछि पार्ने समय छ । इर्ष्या गर्नेहरूको मनोबल कमजोर हुनेछ । प्रयत्न गर्दा अप्ठ्यारा काम पनि सम्पादन हुन सक्छन् । रमाइलो जमघटका बीच स्वादिष्ट भोजनको आनन्द पाइएला ।
बृष राशि (इ, उ, ए, ओ, बा, बि, बु, बे, बो): तपाईंको प्रतिभाले लाभ दिलाउने समय छ । अध्ययन तथा लेखन कार्यमा राम्रै प्रगति होला । सहयोगीहरू भेटिनेछन् । नयाँ कामको प्रस्ताव आउनेछ भने धन आर्जन हुने योग छ । बिछोडिएका परिवारजनसँग भेटघाट होला ।
मीथुन राशि (का, कि, कु, घ, ङ, छ, के, को, ह): मनको डर उत्साहमा रूपान्तरित हुने दिन छ । विभिन्न सहयोग र उपहार प्राप्त हुनेछन् । आयआर्जन पनि राम्रै हुने योग छ । परिवारजनसँग आत्मीयता बढ्नुका साथै मित्रहरू सहयोगी बनेर देखापर्नेछन् ।
कर्कट राशि (हि, हु, हे, हो, डा, डि, डु, डे, डो): केही खर्च लाग्ने तर पनि सोचेको काम बन्ने समय छ । व्यवसायमा थप लगानी बढाउन सकिएला । मेहनत गर्दा विभिन्न अवसर प्राप्त हुनुका साथै दैनिकीमा परिवर्तन आउन सक्छ । हिम्मतले काम बनाउन सकिनेछ ।
सिंह राशि (मा, मि, मु, मे, मो, टा, टि, टु, टे): दिगो फाइदा हुने काममा लगानी बढाउन सकिने भएपनि आजको दिन आर्थिक कारोबारमा सजगता अपनाउनु हितकर होला । अनावश्यक दौडधुपमा समय बित्ने सम्भावना छ । फाइदाका लागि योजनाहरू गोप्य राख्न आवश्यक देखिन्छ । पतिपत्नीबीच घरसल्लाह नमिल्ने योग रहेकोले सचेत रहनुहोला ।
कन्या राशि (टो, प, पि, पु, ष, ण, ठ, पे, पो): दीर्घकालसम्म फाइदा हुने काममा हात हाल्ने समय छ । प्रेम र मित्रताको गाँठो कसिएला । साझेदारीमा पनि फाइदा हुनेछ । आयआर्जनका स्रोत बढ्नेछन् । तार्किक क्षमताले सम्मान दिलाउला ।
तुला राशि (र, रि, रु, रे, रो, ता, ति, तु, ते): व्यवसायमूलक काममा राम्रै फाइदा हुने समय छ । काम देखाएर विशेष उपलब्धि हात पार्न सकिएला । आम्दानी बढ्नाले परिवारजनका आवश्यकता पूरा हुनेछन् । पारिवारिक सुख मिल्नेछ । आजको दिन खर्च नियन्त्रणको विशेष प्रयास गर्नु हितकर रहला ।
बृश्चिक राशि (तो, ना, नि, नु, ने, नो, या, यि, यु): पहिलेका कर्मको प्रतिफल पाइनेछ, साथै कामको चापबाट पनि फुर्सद मिलेको अनुभूति होला । फाइदाका पछि लाग्दा साथीभाइसँग असमझदारी बढ्न सक्छ । प्रतिस्पर्धीहरूबाट आजको दिन विशेष सजग रहनु उचित होला ।
धनु राशि (ये, यो, भ, भि, भु, ध, फा, ढ, भे): प्रतिस्पर्धीहरूले अप्ठ्यारोमा पार्ने प्रयास गरे पनि अरूको हातमा गइसकेको अवसर जोगाउन सकिने समय छ । बोलीको भरमा काम सम्पादन होला । तपाईंको विचारप्रति प्रशंसकहरू विशेष आकर्षित हुनेछन् । सुन्दर पहिरनमा रमाउँदै व्यक्तित्व निखार्ने अवसर प्राप्त होला ।
मकर राशि (भो, ज, जि, खि, खु, खे, खो, गा, गि): उत्साहजनक समाचारले मन प्रशन्न हुने दिन छ । सन्तानका माध्यमबाट पनि काम बन्ने देखिन्छ । गरिएका कामको राम्रै मूल्यांकन होला । विभिन्न भौतिक साधनहरू जुट्नेछन्, जसबाट प्रशन्नता मिल्नेछ ।
कुम्भ राशि (गु, गे, गो, सा, सि, सु, से, सो, द): विभिन्न अवसरले पछ्याउनेछन् । भविष्यका लागि विशेष काममा जग बसाउने मौका मिल्ला । तथापि, सहयोगीहरूले विपक्षीलाई साथ दिनाले काममा चुनौती देखिएलान् । आर्जित धन खर्च हुन सक्छ, सजग रहनुहोला ।
मिन राशि (दि, दु, थ, झ, ञ, दे, दो, च, चि): आजको दिन पुरानो समस्याले केही झमेला आइलाग्न सक्छ । काम बिग्रने डरले सताइरहला । दाम्पत्य सम्बन्धमा पनि शंका र असमझदारी बढ्ने योग रहेकोले सजग रहनुहोला । परिस्थितिअनुसार चल्न नसक्ता दुःख पाइनेछ ।
प्रतिक्रिया दिनुहोस्