चैत १५ गते राजावादी आन्दोलनमा मारिएका सुरेश रजक र सविन महर्जनका परिवारलाई भाटभटेनी सुपरमार्केटका सञ्चालक मीनबहादुर गुरुङले सहयोग गर्ने भएका छन् ।
बुधबार सञ्चालक गुरुङले पत्रकार सुरेश रजकका परिवारलाई ५ लाख र सविन महर्जनको परिवारलाई ३ लाख आर्थिक राहत दिने घोषणा गरेका हुन्।
त्यस्तै भाटभटेनी सुपरमार्केटले आन्दोलनको क्रममा भाटभटेनी तोडफोड र लुटपाट रोक्न बहादुरी देखाउने सुरक्षा गार्ड दुलप्रसाद पराजुलीलाई पुरस्कृत गरेको छ । उनलाई आज एक कार्यक्रमबीच ५ लाख नगद रुपैयाँ पुरस्कार र पाँच ग्रेड बढुवाको सम्मान प्रदान गरिएको हो ।
चैत १५ गते काठमाडौंको तीनकुनेमा राजावादीले प्रदर्शन गरेका थिए । प्रदर्शनले उग्ररूप लिएपछि दुई जनाको ज्यान गएको थियो। प्रहरीले प्रदर्शनलाई तितरबितर पारेपछि एक समूहले कोटेश्वरस्थित भाटभटेनीमा गएर लुटपाट गरेको थियो ।
प्रतिक्रिया दिनुहोस्