काठमाडौंको माइतीघरमा शिक्षकहरूको प्रदर्शन सुरु भएको छ । राजधानी केन्द्रित आन्दोलन गर्न देशभरबाट आएका शिक्षकहरूले बुधबार माइतीघरबाट प्रदर्शन सुरु गरेका हुन् ।
शिक्षकहरूले आफूहरूको आन्दोलन शान्तिपूर्ण हुने बताएका छन् । त्यसका लागि ८ सय स्वयंसेवक परिचालन गरिएको उनीहरूको भनाइ छ ।
विद्यालय शिक्षा ऐन जारी गर्न माग राख्दै शिक्षकहरू आन्दोलनमा उत्रिएका हुन् । उनीहरूले सरकारले विगतमा आफूहरूसँग गरेको सहमतिअनुसार काम नगरेकाले आन्दोलन गर्नुपरेको बताएका छन् ।
प्रतिक्रिया दिनुहोस्