मेष राशि (चु, चे, चो, ला, लि, लु, ले, लो, अ): रोकिएका काम बन्नाले आजको दिन उत्साह जाग्नेछ । प्रेमको बन्धनमा कसिने समय छ । सवारीसाधन उपयोग गर्दा विशेष सावधानी अपनाउनुपर्ला । जथाभावी आश्वासन बाँड्नेहरूले झुक्याउन सक्छन्, सजग रहनुहोला । अरूको विश्वासमा पर्दा अन्त्यमा धोका पाइने सम्भावना छ ।

बृष राशि (इ, उ, ए, ओ, बा, बि, बु, बे, बो): आफ्नो क्षेत्रमा प्रभुत्व जमाउन सकिने समय छ । दाम, इनाम र प्रतिष्ठा कमाइएला । परिवारिक सुख र उत्साह बढ्नेछ । भूमि, वाहन र पैत्रिक सम्पत्तिबाट लाभ मिल्ने योग छ । नयाँ काममा हात हाल्दै हुनुहुन्छ भने केही समय पर्खंदा उचित हुनेछ । बौद्धिक तथा रचनात्मक कार्यमा विशेष सफलता हासिल हुनेछ ।

मीथुन राशि (का, कि, कु, घ, ङ, छ, के, को, ह): बाध्यताका काममा जुट्नुपर्ने समय छ । पति वा पत्नीका माध्यमबाट फाइदा हुने योग भएपनि यात्रागत कार्यमा समस्या आइपर्न सक्ने हुँदा सकभर यात्रा थाती राख्नु उचित हुनेछ । कुनैपनि कार्यमा बलजफ्ती गर्दा चिताएको काम बिग्रन सक्छ, सचेत रहनुहोला । पुरानो सम्झौता भंग हुने योग छ । कतै आतिथ्यपूर्ण सम्मान पाइएला ।

कर्कट राशि (हि, हु, हे, हो, डा, डि, डु, डे, डो): चुनौतीपूर्ण कामको दायित्व लिनाले धेरै परिश्रमपछि न्यून सफलता मिल्ने समय छ । केही अप्ठ्यारा परिस्थितिसँग सम्झौता गर्नुपर्दा मन खिन्न रहनसक्छ । आशा देखाउनेहरूको भरपर्दा धोका हुन सक्ने योग छ । तथापि, समुदायको हकहितको संरक्षण गर्दै धेरैको भलाइ हुने काम गर्न सकिने देखिन्छ । नयाँ कार्यमा दौडधुप एवम् जोखिम वृद्धि होला ।

सिंह राशि (मा, मि, मु, मे, मो, टा, टि, टु, टे): लगनशीलताले कीर्तिमानी दिलाउन सक्छ, तर आश्वासन दिएर झुक्याउनेहरूले सताउने/झुक्याउने सम्भावना छ । बन्ने निश्चय भएको काम अचानक बिग्रन सक्छ । विभिन्न अवसर जुटे पनि अरूलाई वचन दिने बानीले दुःख पाइएला । दाम्पत्यसुख र प्रेमभाव बढ्नेछ । आरोग्यता रहला ।

कन्या राशि (टो, प, पि, पु, ष, ण, ठ, पे, पो): प्रेमको बन्धन कसिने बेला छ । दाम्पत्य जीवन सुखद रहला । अध्ययन तथा अध्यापन कार्यमा प्रगति हुनेछ । स्वास्थ्य भने केही कमजोर रहेको अनुभूति होला । व्यावसायिक काम बीचमा अवरुद्ध हुनसक्छ, सजग रही कार्य गर्नु उचित हुनेछ । आम्दानीमा कमी आउनेछैन । यात्रागत कार्यमा सफलता प्राप्त हुनेछ ।

तुला राशि (र, रि, रु, रे, रो, ता, ति, तु, ते): पराक्रम र व्यस्तता बढ्नेछ । काममा दौडधुप र परिश्रम केही बढी परेपनि राम्रै उपलब्धि मिल्ने समय छ । बोली र व्यक्तित्वको प्रभाव बढ्ला । गुरुजनको विशेष सहयोग जुट्ने योग छ । मिठो भोजन प्राप्त होला । आरोग्यबल बढ्नेछ । साहसिक काममा आकर्षण रहला ।

बृश्चिक राशि (तो, ना, नि, नु, ने, नो, या, यि, यु): काम बिग्रने भयले सताउला । नयाँ काममा हात हाल्न केही समय पर्खंदा राम्रो हुनेछ । बदनाम व्यक्तिहरूले मात्र सहयोगको तत्परता देखाउनेछन्, सजग रहनुहोला । सरकारी कडिकडाउको सिकार भइने योग रहेकोले सतर्कताको दरकार छ ।

धनु राशि (ये, यो, भ, भि, भु, ध, फा, ढ, भे): लगानी, दौडधुप, श्रम तथा प्रयत्नको उचित मूल्य नपाइने समय छ । न्यून उपलब्धिमा चित्त बुझाउनुपर्ला । विगतका समस्या बल्झिन सक्छन् । तथापि, धैर्यसाथ प्रयत्न गर्दा व्यावसायिक काम सम्पादन हुनेछन् । व्यापार-व्यवसायमा भने सोचेको लाभ नमिल्न सक्छ ।

मकर राशि (भो, ज, जि, खि, खु, खे, खो, गा, गि): आश मारेको काम बन्नाले उत्साह जाग्नेछ । आफ्नो अधिकार स्थापित गर्न सकिने समय छ । शत्रुहरू किनारा लाग्नेछन् । प्रतिस्पर्धामा विजयी भइनेछ भने एउटै कामबाट दोहोरो लाभ मिल्ने देखिन्छ । विशेष योजनाहरू बन्न सक्छन् । मिठो भोजन प्राप्त हुनेछ । गीतसंगीत तथा रसरागात्मक काममा आकर्षण बढ्नेछ । पराक्रम बढ्नेछ ।

कुम्भ राशि (गु, गे, गो, सा, सि, सु, से, सो, द): सामर्थ्य वृद्धि भएपनि लगानी र श्रमको उचित मूल्य नपाइने समय छ । न्यून उपलब्धिका लागि निकै मिहिनेत गर्नुपर्ने देखिन्छ । तथापि, समुदायको हितमा राम्रै काम गर्न सकिएला । सामाजिक उत्तरदायित्व वहन गर्नुपर्ने योग छ ।

मिन राशि (दि, दु, थ, झ, ञ, दे, दो, च, चि): आफ्ना विषयवस्तुमा अरूले अधिकार जमाउन सक्छन् । शत्रुहरूको चलखेल बढ्नाले गल्तीबिनै आरोप लाग्न सक्छ, सचेत रहनुहोला । इर्ष्या गर्नेहरूले काममा अवरोध गर्न सक्छन् । आफ्ना योजना गोप्य राखेर अघि बढ्दा फाइदा हुनेछ । आरोग्यता रहनेछ ।