उपसभामुख पदका लागि श्रम संस्कृति पार्टीका उम्मेदवारलाई विपक्षी दलहरूले संयुक्त रूपमा समर्थन गर्ने निर्णय गरेका छन्। नेपाली कांग्रेस, नेकपा (एमाले) र नेपाली कम्युनिस्ट पार्टी (नेकपा)ले श्रम संस्कृति पार्टीका उम्मेदवारलाई समर्थन गर्ने सहमति गरेका हुन्।
यससँगै उपसभामुख निर्वाचनमा विपक्षी गठबन्धन एकजुट हुने संकेत देखिएको छ, जसले निर्वाचनलाई थप रोचक बनाउने अपेक्षा गरिएको छ।
यसअघि नै श्रम संस्कृति पार्टीका अध्यक्ष हर्क साम्पाङले उपसभामुख पदका लागि आफ्नो दलबाट महिला उम्मेदवार उठाउने घोषणा गरेका थिए। विपक्षी दलहरूको समर्थनसँगै उक्त उम्मेदवारको सम्भावना बलियो भएको आँकलन गरिएको छ।
प्रतिक्रिया दिनुहोस्