एशियाली विकास बैंक (एडिबी)ले आर्थिक वर्ष २०२६ मा नेपालको आर्थिक वृद्धिदर २.७ प्रतिशत रहने प्रक्षेपण सार्वजनिक गरेको छ। यो वृद्धिदर गत वर्षको ४.६ प्रतिशतभन्दा उल्लेख्य रूपमा कम हो।
नेपालका लागि एडिबीका राष्ट्रिय निर्देशक आर्नो कोश्वाले भने, “गत वर्षको नागरिक अशान्ति, राजनीतिक अनिश्चितता, साथै मध्यपूर्वमा जारी द्वन्द्वको प्रभावका कारण २०२६ मा अर्थतन्त्र सुस्त हुने देखिन्छ। राजनीतिक स्थायित्वको पुनरागमनले सुधारलाई अघि बढाउनेछ भने अर्थतन्त्रमा आत्मविश्वास बढ्नेछ। तर, तेल मूल्य, पर्यटन र विप्रेषणमा जोखिम कायम रहन्छ।”
एडिबीको अनुमान अनुसार, आन्तरिक माग, जलविद्युत् निर्यात र पर्यटनमा सुधार आएपछि आगामी आर्थिक वर्ष २०२७ मा नेपालको आर्थिक वृद्धिदर ५ प्रतिशतसम्म पुग्ने अपेक्षा गरिएको छ।
उपभोक्ता मुद्रास्फीति २०२६ मा करिब ३.७ प्रतिशत रहने र आर्थिक गतिविधिमा सुधार र स्थायित्वको परिदृश्यमा २०२७ मा ४.५ प्रतिशतसम्म पुग्ने अनुमान छ।
मध्यपूर्वको द्वन्द्वले चालु खाता बचतमा अवरोध पुर्याउने अपेक्षा गरिएको छ। चालु खाता बचत २०२६ मा जीडीपीको ७.२ प्रतिशत रहनेछ, जुन २०२५ को ६.७ प्रतिशतभन्दा बढेको हो। तर २०२७ मा आयात र पर्यटन घाटाका कारण चालु खाता बचत आंशिक कमी भएर ५.३ प्रतिशतमा सीमित हुने देखिन्छ।
एडिबीले तयार पारेको यो प्रक्षेपण मार्च १० (फागुन २६) मा गरिएको हो र त्यसयता नयाँ तथ्यहरूले मध्यपूर्व द्वन्द्व स्थायित्वतर्फ नजाने सम्भावना उच्च रहेको देखाएका छन्।
प्रतिक्रिया दिनुहोस्