नेपालमा संघीय लोकतान्त्रिक गणतन्त्र स्थापना भएको १८ वर्ष पूरा भएको अवसरमा आज देशभर भव्य रूपमा गणतन्त्र दिवस मनाइँदै छ। वि.सं. २०६५ जेठ १५ गते ऐतिहासिक संविधानसभाको पहिलो बैठकले नेपाललाई गणतन्त्र घोषणा गरेको सम्झनामा आज देशैभर विभिन्न कार्यक्रम भइरहेका छन्।
दिवसको मुख्य अवसरमा आज राजधानीको सैनिक मञ्च टुँडीखेलमा विशेष समारोहको आयोजना गरियो। समारोहमा सम्माननीय राष्ट्रपति रामचन्द्र पौडेल, उपराष्ट्रपति रामसहायप्रसाद यादव, राष्ट्रिय सभाका अध्यक्ष नारायणप्रसाद दाहाल र उपसभामुखको गरिमामय उपस्थिति रहेको थियो।
साथै, मन्त्री डीपी अर्याल र काठमाडौँ महानगरका प्रमुख बालेन शाह लगायत उच्चपदस्थ व्यक्तित्वहरू र सर्वसाधारणको उल्लेख्य उपस्थितिमा कार्यक्रम सम्पन्न भएको छ।
मुख्य आकर्षण: समारोहमा नेपाली सेनाको हेलिकप्टरबाट पुष्पवृष्टि गरिनुका साथै सुरक्षा निकायबाट मार्च पास्ट र विभिन्न सांस्कृतिक झाँकीहरू प्रदर्शन गरिएको थियो।
आज गणतन्त्र दिवसको अवसरमा सरकारले देशभर सार्वजनिक बिदा दिएको छ भने साँझ घरघरमा दिपावली गरेर दिवस मनाउन आह्वान समेत गरिएको छ।
प्रतिक्रिया दिनुहोस्