काठमाडाैँ । नेकपा (माओवादी) केन्द्रका अध्यक्ष पुष्पकमल दाहाल `प्रचण्ड´ले धरान उप महानगरपालिकाको काम देखेर सन्तोष लागेकाे धारणा राख्नु भएकाे छ ।
वरिष्ठ कलाकार जेवि टुहुरेको स्मृतिमा उपमहानगरले आयोजना गरेको कार्यक्रममा वृक्षरोपण गर्दै सतारुढ दलका नेता तथा पुर्वप्रधानमन्त्री समेत रहेका`प्रचण्ड´ले टुहुरे नेपालका लोकप्रिय र प्रगतिशील गीतकार भएको स्मरण गर्नभयाे । अध्यक्ष प्रचण्डले भन्नुभयाे `मैले गरेको वृक्षरोपण जेवि टुहुरे कै लागि हाे ।´
धरान उप महानगरपालिकाका प्रमुख हर्क साङपाङको कामलाई सिंगो देशले गम्भिरतापुर्वक हेरेको भन्दै उहाँले मेयर साङपाङलाई निरन्तर डटेर लाग्न अनुराेध गर्नुभयाे । नेपालका कम्युनिस्ट पार्टीले गर्नुपर्ने काम अर्थात खासगरी माओवादीले गर्नपर्ने काम धरानले गरेको प्रचण्डको भनाई थियो ।
माओवादीले धरानको विकासलाई सधैं साथ दिने भन्दै उपमेयर अईन्द्र बिक्रम बेघालाई देखाउदै प्रचण्डले मेयर र उपमेयरको जोडी मिल्नु उपमहानगरका लागि अवसर भएको बताएका छन् ।
प्रतिक्रिया दिनुहोस्