नेपाली कांग्रेसका नेता विजयराज घिमिरेको निधन भएको छ।
कांग्रेस केन्द्रीय लेखा समितिका पूर्वसदस्य र पूर्वमहासमिति सदस्य घिमिरेको उपचारका क्रममा निधन भएको हो।
पाल्पाका घिमिरेको बिहीबार बेलुकी ८ बजेर १५ मिनेटमा ललितपुरको मेडिसिटी अस्पतालमा निधन भएको कांग्रेस मुख्यसचिव कृष्णप्रसाद पौडेलले विज्ञप्ति निकालेर जनाएका छन्।
घिमिरे २०५६ र २०७४ को आमचुनावमा पाल्पा क्षेत्र नम्बर १ मा कांग्रेसबाट उम्मेदवार थिए।
घिमिरेले कांग्रेसको संगठन निर्माण र लोकतान्त्रिक आन्दोलनमा सक्रिय भूमिका खेलेकोसमेत कांग्रेस केन्द्रीय कार्यालयले जनाएको छ।
उनको आज दिउँसो १ बजे पशुपति आर्यघाटमा अन्त्येष्टि हुनेछ।
प्रतिक्रिया दिनुहोस्