काठमाडौं । सत्ता गठबन्धनको बैठकमा १६५ मध्ये सय सिटमा सहमति जुटेको दाबी छ ।
तर आधिकारिक टुंगाेमा नपुगेकाे र अनेक समस्याहरू रहेकाे गठबन्धनका नेताहरूकाे भनाइ छ ।
नेकपा (एकीकृत समाजवादी) का नेता झलनाथ खनालले प्रधानमन्त्री एवम् नेपाली कांग्रेसका सभापति शेरबहादुर देउवाको नेतृत्वमा बसेको बैठकमा सय सिटमा सहमति जुटेको बताए ।
खनालले भने, “बालुवाटारमा बैठक भयो । तालमेलकै बारेमा छलफल गर्यौँ । सय सिटमा तालमेल बनिसकेको छ, सहमति जुटेको छ । बाँकी कुरा अर्को बैठकमा टुंगिनेछ ।”
प्रतिक्रिया दिनुहोस्