आज पनि प्रतितोला १८ सयले नै घट्यो सुनको मूल्य

काठमाडौं । शुक्रबार सुनको भाउ तोलामा १८ सय रुपैयाँ घटेको छ । बिहीबार पनि १८ सयले नै घटेकाे थियाे । नेपाल सुनचाँदी व्यवसायी महासंघले आजका लागि सुनको भाउ तोलामा १ लाख ३६ हजार ९ सय रुपैयाँ तोकेको छ ।

अघिल्लो दिन तोलामा १ लाख ३८ हजार ७ सय रुपैयाँमा सुनको कारोबार भएको थियो । गत सोमबार सुनको भाउ हालसम्मकै उच्च १ लाख ४१ हजार ८ सय रुपैयाँ पुगेको थियो ।

त्यस्तै चाँदीको भाउ पनि आज तोलामा १० रुपैयाँ घटेको छ । अघिल्लो दिन तोलामा १८ सय ६५ रुपैयाँ रहेको चाँदी आज १८ सय ५५ रुपैयाँमा काराेबार भइरहेकाे छ ।