काठमाडौं ।रवीन्द्र मिश्र बुधबार आज राष्ट्रिय प्रजातन्त्र पार्टी (राप्रपा)मा प्रवेश गर्ने भएका छन् । राष्ट्रिय सभा गृहमा राप्रपाले दिउँसो १ बजे पार्टी प्रवेश कार्यक्रम राखेको प्रचार विभाग प्रमुख एवं प्रवक्ता मोहन श्रेष्ठले जानकारी दिए ।
श्रेष्ठले रवीन्द्र मिश्र नेतृत्वको ‘वृहत ध्रुवीकरण पक्षधर’बीच एकता घोषणा समारोह दिउँसो सभा गृहमा हुन लागेको बताए ।
राप्रपाले औपचारिक रुपमा मिश्रले पाउँने पदको सार्वजनिक गरेको छैन तर उनलाई पदाधिकारी मध्येको एक पद दिने तयारी उक्त पार्टीले गरेको छ । केहिदिन अगाडिमात्रै मिश्रले विवेकशील साझा पार्टीको साधरण सदस्य समेत नरहेको जानकारी गराएका थिए ।
मिश्रले सामाजिक सञ्जाल फेसबुकमा लेखेका छन्
जस्ताको तस्तै
अब थप को, को जोडिनु पर्ला?
राजेन्द्रजी र म एक ठाउँमा आउनु पर्यो भन्ने धेरैको चाहना र प्रेरणा थियो। हामी आज औपचारिक रूपमा एक ठाउँमा आउँदैछौँ। हाम्रो हौसला बढाईदिन तपाईँ पनि सभागृह आइदिनोस् न है।
मिति/समय: आज बुधबार, दिउँसो १ बजे
स्थान: राष्ट्रिय सभा गृह, भृकुटीमण्डप, काठमाडौं मिश्रको फेसबुकबाट साभर स्ट्याटस ।
प्रतिक्रिया दिनुहोस्