प्रतिताेला १ हजार ४०० रुपैयाँले घट्यो सुनको मूल्य

काठमाडाैं ।  नेपाली बजारमा आज पनि सुनको मूल्य घटेको छ । मंगलबार प्रतितोला २ हजार ३ सय घटेको सुनको मूल्य बुधबार १ हजार ४ सय रुपैयाँले घटेको हो ।

नेपाल सुन चाँदी व्यवसायी महासंघका अनुसार आज छापावाला सुन प्रतितोला १ लाख ४६ हजार ३ सय रुपैयाँमा कारोबार भइरहेको छ । मंगलबार छापावाला सुन प्रतितोला १ लाख ४७ हजार ७ सय रुपैयाँमा कारोबार भएको थियो ।

यस्तै, चाँदी १ हजार ७१० रुपैयाँमा कारोबार भइरहेको छ । चाँदीको मूल्य मंगलबार चाँदी १ हजार ७२५ रुपैयाँमा कारोबार भएको थियो। अन्तर्राष्ट्रिय बजारमा हुने कारोबारका आधारमा नेपालमा सुनचाँदीको मूल्य निर्धारण गर्ने गरिएको छ ।