काठमाडौँ । नेपाली बजारमा आज सुनको मूल्यमा केही गिरावट आएकाे छ । अघिल्लाे हप्ता लगातार वृद्धि भएको सुनको मूल्यमा आज भने गिरावट आएकाे हाे ।
नेपाल सुनचाँदी व्यवसायी महासङ्घका अनुसार सुन आज तोलामा पाँच सयले गिरावट भएको छ । आज सुन प्रतिताेला १ लाख ६० हजार कायम भएकाे छ । यस्तै, चाँदीको मूल्य पनि आज केही घटेकाे छ । १५ रुपैंयाँले घट्दै आज चाँदीकाे भाउ एक हजार नौ सय २५ रुपैंयाँ निर्धारण भएको छ ।
गत हप्ता आइतबार प्रतितोला एक लाख ५८ हजार एक सयमा कारोबार भएको छापावाला सुन साेमबारका लागि एक लाख ५९ हजार दुई सय निर्धारण भएको थियाे । मंगलबार भने एक लाख ५९ हजार सात सयमा काराेबार भयाे ।
बुधबार यसमा थप सात सयले बढ्दै एक लाख ६० हजार चार सयमा काराेबार भएकाेमा बिहीबार भने तीन सयले बढेर एक लाख ६० हजार सात सयमा काराेबार भएकाे थियाे । शुक्रबार पनि प्रतिताेला पाँच सयले बृद्धि हुँदै सुन एक लाख ६१ हजार दुई सयमा काराेबार भएर नयाँ रेकर्ड राखेकाे थियाे ।
प्रतिक्रिया दिनुहोस्