काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले बोलाएको विपक्षी दलहरूको बैठक सुरु भएको छ ।
अहिले संसद भवन नयाँ बानेश्वरमा प्रचण्डले विपक्षी दलहरूलाई बोलाएर छलफल गरिरहेका छन्।
प्रचण्डले बैठकमा राष्ट्रिय स्वतन्त्र पार्टी, राष्ट्रिय प्रजातन्त्र पार्टी, जसपा नेपाल, नेकपा एकीकृत समाजवादी लगायतका दलहरूलाई बैठकमा बोलाएका हुन्।
सरकारलाई समर्थन गरिरहेको उपेन्द्र यादवको जसपा नेपालले भने सरकारलाई आफूहरूले समर्थन मात्र गरेका कारण विपक्षी दलहरूको बैठकमा सहभागिता जनाउँदै आएको छ।
हिजो बालुवाटारमा नेपाली कांग्रेस नेकपा एमाले र नेकपा माओवादी केन्द्र बीच टीआरसी टुङ्गोमा पुर्याउन सर्च कमिटीलाई पूर्णता दिने विषयमा छलफल भएको थियो। यसै विषयमा कुराकानी गर्न र पछिल्लो राजनीतिक घटनाक्रमको विषयमा छलफल गर्नका लागि बैठक बोलाइएको बुझिएको छ।
प्रतिक्रिया दिनुहोस्