काठमाडौं । पछिल्ला केही दिनयता लगातार बढेको सुनको मूल्यले आज फेरि नयाँ रेकर्ड कायम गरेकाे छ । गत बिहीबार केही घटेको भए पनि शुक्रबार भने स्थिर रहेकाे सुनकाे भाउ आज फेरि उच्च विन्दुमा पुगेकाे हाे ।
नेपाल सुनचाँदी व्यवसायी महासंघका अनुसार आइतबार सुनकाे मूल्य तोलाको एक लाख ६७ हजार ४ सयमा कारोबार भइरहेकाे छ । याे अघिल्लाे दिनकाे तुलनामा १ हजार ४ सयले बढी हाे ।
त्यस्तै आज चाँदीको मूल्य पनि बढेको छ। आज चाँदी प्रतितोला १५ रुपैयाँले बढेर २ हजार ८५ रुपैंयाँमा कारोबार भइरहेको महासंघले जनाएको छ ।
प्रतिक्रिया दिनुहोस्