काठमाडाैं । नेपाली बजारमा सुनको मूल्य आज तोलामा ३०० रुपैयाँले बढेको छ । याे सँगै बिहीबार छापावाल सुनको मूल्य तोलामा १ लाख ७१ हजार रुपैयाँ कायम भएको नेपाल सुनचाँदी व्यवसायी महासंघले जनाएको छ।
महासंघका अनुसार सुनको मूल्य याे अहिलेसम्मकै उच्च हो । बुधबार सुनको मूल्य तोलाको एक लाख ७० हजार सात सय रुपैयाँ थियो ।
आज चाँदी भने केही सस्तिएकाे छ । चाँदी आज तोलाको ३० रुपैयाँले घटेर दुई हजार ९० रुपैयाँ कायम भएको महासंघले जनाएको छ।
प्रतिक्रिया दिनुहोस्