काठमाडाैं । नेपाल प्रिमियर लिग (एनपीएल) अन्तर्गत आइतबारको दोस्रो खेलमा सुदूरपश्चिमविरुद्ध चितवनले पहिले ब्याटिङ गर्ने भएको छ।
कीर्तिपुरस्थित त्रिवि क्रिकेट मैदानमा चितवनका कप्तान कुशल मल्लले टस जितेर पहिले ब्याटिङ गर्ने निर्णय गरेका हुन्।
सुदूरपश्चिमले तीन वटै खेल जितेर अपराजित छ भने चितवन २ खेलमा जित र एक खेलमा पराजित छ। आजको खेल जित्दै चितवन पनि प्लेअफको सम्भावना बलियो बनाउन चाहन्छ।
यसअघि चितवनले पोखरा र काठमाडौँलाई पराजित गरेको थियो। कर्णालीसँग पराजित भएको थियो।
एनपीएलमा सुदूरपश्चिम र जनकपुर अपराजित छन्। जनकपुरले लगातार चार खेल जितेको छ। आइतबार बिहान जनकपुरले लुम्बिनीलाई एक रनले पराजित गरेको छ।
चितवनले आजको खेलमा अघिल्लो खेलबाट २ खेलाडी परिवर्तन गरेको छ। शरद भेषावकरको स्थानमा रन्जीत कुमार र लुक वेनकेस्टाइनको स्थानमा हसन इसाखिललाई मौका दिएको छ।
यता सुदुरपश्चिमले वसन्त खत्रीको स्थानमा दिलप्रित सिंहलाई सुरुवाती ११ मा ल्याएको छ।
प्रतिक्रिया दिनुहोस्