काठमाडाैं । नेपाल प्रिमियर लिग (एनपीएल) क्रिकेटमा विराटनगर किंग्सले टस जितेर पहिले ब्याटिङ रोजेको छ ।
बिहीबार बिहान त्रिवि क्रिकेट मैदानमा विराटनगरका कप्तान सन्दीप लामिछानेले टस जितेर पोखरा एभेन्जर्सविरुद्ध पहिला ब्याटिङ गर्ने निर्णय गरेका हुन् ।
यसअघि बिहानको खेलमा टस जित्ने टीमले बलिङ रोज्ने गरेका थिए । चार खेलमा तीन खेल हारेको पोखरा सातौं र विराटनगर आठौं स्थानमा छ । लिगमा दुवैले तीन खेल खेल्न बाँकी भएकाले प्लेअफ सम्भावना सकिएको छैन ।
आजको खेल जित्ने टोलीको प्लेअफको सम्भावना कायमै रहनेछ । हार्ने टोली भने प्लेअफको होडबाट बाहिरिनेछ ।
आजै हुने दोस्रो खेलमा काठमाडौं गुर्खाज् र जनकपुर बोल्ट्स भिड्ने छन् । प्लेअफ सम्भावनालाई बलियो बनाउन काठमाडौंले आजको खेल जित्नुपर्नेछ ।
लुम्बिनी लायन्स एनपीएल प्लेअफ होडबाट बाहिरिने पहिलो टोली बनेको छ ।
प्रतिक्रिया दिनुहोस्