काठमाडाैं। नेकपा एकीकृत समाजवादीनिकट समाजवादी प्रेस संगठनका अध्यक्षसहितका पदाधिकारी नेकपा (एमाले) निकटक प्रेस चौतारीमा प्रवेश गरेका छन् ।
उनीहरूलाई एमाले महासचिव शंकर पोखरेल, प्रचार विभाग प्रमुख राजेन्द्र गौतम तथा प्रेस चौतारीका अध्यक्ष गणेश बस्नेत लगायतले शुक्रबार स्वागत गरे ।
समाजवादी प्रेस संगठन नेपालका अध्यक्ष विश्वमणि सुवेदीसहित उपाध्यक्ष सविन शर्मा, महासचिव रामकुमार एलन, सचिव नेपोलियन चेपाङ, कोषाध्यक्ष कृपा भण्डारी, केन्द्रीय सदस्यहरू आशिष गुरागाईं, सौगात मिश्र, नरेन्द्र विष्ट पनि प्रेस चौतारीमा प्रवेश गरेका छन् ।
यसअघि सुवेदीले आफूले लेखेबापत पार्टीले स्पष्टीकरण सोधेको भन्दै सामाजिक सञ्जालमार्फत नै असन्तुष्टि जाएका थिए । त्यसको भोलिपल्ट उनी प्रेस चौतारीमा प्रवेश गरेका हुन् ।
उता समाजवादी प्रेस संगठनले भने सुवेदीलाई साधारण सदस्यसमेत नरहने गरी निष्काशन गरिएको जनाएको छ । संगठनबा वरिष्ठ उपाध्यक्ष नवराज छत्कुलीले विभिन्न आरोप लगाउँदै सुवेदीलाई कारबाही गरिएको जनाएका छन् ।
प्रतिक्रिया दिनुहोस्