काठमाडाैं । नेपाली राष्ट्रिय टिमका पूर्वकप्तान सन्दीप लामिछानेले क्रिकेटबाट सन्न्यास लिने संकेत गरेका छन् ।
उनले सामाजिक सञ्जालबाट आफ्ना समर्थकहरूप्रति कृतज्ञता जाहेर गर्दै यस्तो संकेत गरेका हुन् ।
यद्यपि, उनले स्पष्ट रूपमा सन्न्यास लिने या नलिने भने उल्लेख गरेका छैनन् । तर, उनले आफ्ना समर्थकहरूलाई धन्यवाद दिएसँगै धेरैले सन्दीपले सन्यास लिन लागेको अड्कल काटेका छन् ।
उनले फेसबुकमा सबैकुराका लागि सबैलाई धन्यवाद भनेका छन् । अनि सुन्दर देश नेपालका जनताहरू सधैँ आफ्नो साथमा उभिएको उल्लेख गरेका छन् । साथै आफूले हरेक पाइलामा समर्थन पाएको पनि उनले उल्लेख गरेका छन् । उनले समर्थकको माया र प्रोत्साहनले विशेष अर्थ राख्ने र हृदयमा सदैव स्थान पाउने उल्लेख गरेका छन् । साथै उनले आफू निकै कृतज्ञ रहेको पनि उल्लेख गरेका छन् ।
सन्दीपले सामाजिक सञ्जालमा यस्तो पोस्ट गरेपछि उनका समर्थकहरूले विभिन्न खाले प्रतिक्रिया दिइरहेका छन् । धेरैले उनले सन्न्यासको संकेत गरेको अर्थमा बुझेका छन् ।
प्रतिक्रिया दिनुहोस्