काठमाडौँ । नेकपा माओवादी केन्द्र निकट अनेरास्ववियु क्रान्तिकारीको कोषाध्यक्षमा फुलमाया रानामगर खुशी विजयी भएकी छिन् ।
विश्वविद्यालय र उपत्यका विशेषको बुधबार सम्पन्न मतगणनामा मगरले ५९६ मत ल्याएर विजयी भएको निर्वाचन समितिले जनाएको छ । यस्तै खुला सचिवमा प्रेम जैशी ५११, वीरेन्द्र जिसी ३९२, शिशिर बस्याल ३७२ र सम्झना राई ५४५ मत ल्याएर विजयी भएका छन् । यसैगरी छात्रातर्फ तिर्सना आलेमगर ४९८, समकृति पुन ५२९ मत ल्याएर विजयी भएका छन् ।
यस्तै जनजातितर्फ अर्टिष्ट मोक्तान ४१५ मत ल्याएर विजयी भएका छन् , शहिद सन्तती तर्फ युन्छाे हाङ्ग मावाे ५१० मत ल्याएर विजयी भएका छन् ,मधेसी तर्फ अमर मण्डल ४६० मत ल्याएर विजयी भएका छन् दलिततर्फ आशा उपरकोटीले ७४६ मत ल्याएर बाजी मारेका छिन् । अन्य पदको गणना जारी रहेको छ ।
प्रतिक्रिया दिनुहोस्