Ads

२०८१ चैत्र ११ गते सोमबार, तपाईको दैनिक राशिफल


मेष राशि (चु, चे, चो, ला, लि, लु, ले, लो, अ): आजको दिन जोखिम र दौडधुप केही वृद्धि हुनसक्छ । काम पनि बन्नेछ तर कठोर मिहिनेतले । पैत्रिक सम्पत्तिमा विवाद आउनुका साथै दाजुभाइमा भागबण्डाको योग परेको समय छ । व्यवसाय र कृषितर्फ लगनशीलताले ठूलै काम बन्नसक्ने देखिन्छ । सहकर्मीहरूसँग प्रतिस्पर्धा बढ्ला । अभिभावकको स्वस्थ्यप्रति चिन्ता जागृत होला ।

बृष राशि (इ, उ, ए, ओ, बा, बि, बु, बे, बो): प्रतिस्पर्धीलाई सजिलै हराउन सकिने समय छ । साझेदारी काममा विशेष लाभ मिल्नेछ भने आम्दानी सोचेभन्दा बढी नै हुनसक्छ । भौतिक साधन जुट्नाले दिगो फाइदा हुने काम सुरु हुन सक्छ । रोकिएका काम बन्नेछन् । आजको दिन यात्राको पनि योग छ ।

मीथुन राशि (का, कि, कु, घ, ङ, छ, के, को, ह): साहस वृद्धि भएपनि तपाईंका कमी-कमजोरीमाथि टीकाटिप्पणी हुनसक्छ, संयम धारण गर्नु हितकर होला । विगतको कामबाट लाभ हासिल हुने समय छ । सामाजिक क्षेत्रमा अग्रसर होइएला । वाहन र पैत्रिक सम्पत्तिको उपयोगबाट राम्रै लभ उठाउन सकिनेछ । दाम्पत्य जीवन पनि रमाइलो रहला ।

कर्कट राशि (हि, हु, हे, हो, डा, डि, डु, डे, डो): गरिएका कामको उचित प्रतिफल मिल्ने समय छ । तथापि, अवसर आए पनि समयमा निर्णय लिन नसक्दा पछि परिएला । व्यावसायिक काममा खर्च बढ्नेछ भने अरूका काममा महत्वपूर्ण समय बित्न सक्छ । बोलीको गलत अर्थ लाग्नाले विवादमा परिएला, सावधान रहनुहोला ।

सिंह राशि (मा, मि, मु, मे, मो, टा, टि, टु, टे): विगतका निर्णयले काम बिग्रन सक्छ । मान्यजनको सुझावप्रति पनि विश्वास नलाग्ला । प्रलोभन देखाउनेहरूले फसाउन सक्छन्, सजगताको दरकार छ । खर्च वृद्धि हुनसक्छ, मितब्ययिता अपनाउने प्रयास गर्नुहोला । बाध्यतापूर्ण काममै समय बित्न सक्छ । सहयोगको आशा देखाउनेहरूबाटै धोका पाइएला । नजिकका साथीभाइ टाढिन सक्छन् ।

कन्या राशि (टो, प, पि, पु, ष, ण, ठ, पे, पो): दिन शुभदायी छ । सहयोगीहरूले राम्रो साथ दिनेछन् भने रोकिएका काम बन्ने र नयाँ काम पनि सुरु गर्न सकिनेछ । व्यापार-व्यवसायमा राम्रै फाइदा हुने देखिन्छ । काममा मातापिताको सहयोग प्राप्त होला । अतिथिको सम्मान गर्ने अवसर मिल्ने समय छ । मेहनतले जीवनशैलीमा परिवर्तन ल्याउन सक्छ ।

तुला राशि (र, रि, रु, रे, रो, ता, ति, तु, ते): प्रतिष्ठा आर्जनको काम गर्ने समय छ । अरूलाई प्रभावित पारेर काम लिन सकिएला । बोली व्यवहारको प्रभाव बढ्नेछ । विशिष्टजनको विशेष सहयोग जुट्नाले लक्ष्यमा पुग्न सकिनेछ । काममा परिवारजनको सहयोग जुटाउन सक्दा थप लाभ मिल्ने देखिन्छ । पशुधन र जमिनबाट सामान्य लाभ मिल्नेछ ।

बृश्चिक राशि (तो, ना, नि, नु, ने, नो, या, यि, यु): आजको दिन भेटघाटमा अलमलिनाले महत्वपूर्ण काममा बाधा पुग्ने देखिन्छ । बोलीको गलत अर्थ लाग्ने र लेनदेनमा विवाद बढ्ने सम्भावना छ । सहयोगीहरूले पनि त्यत्ति साथ नदेलान् । आश्वासन दिनेहरूले झुक्याउन सक्छन्, सजग रहनुहोला । स्वास्थ्य पनि केही कमजोर रहन सक्छ, तर जिम्मेवारी भने बढिरहला ।

धनु राशि (ये, यो, भ, भि, भु, ध, फा, ढ, भे): आजको दिन सहयोगीहरूले साथ र हौसला दिनेछन् । बिनाप्रतिस्पर्धा फाइदा हुने तथा धन आर्जनको योग छ । तथापि, आफ्नै कमजोरीले विवादमा परिनेछ, बोली र व्यवहारमा सजगता अपनाउनुहोला । प्रियजनसँगको भेटघाटले दिन रमाइलो बनाउनेछ । नयाँ ज्ञान सिक्ने मौका मिल्ला ।

मकर राशि (भो, ज, जि, खि, खु, खे, खो, गा, गि): श्रमको उचित मूल्यांकन हुने समय छ । पारिवारिक आवश्यकता पूर्ति होला । नयाँ जिम्मेवारी प्राप्तिको योग भएपनि शुभचिन्तकहरूको सुझावलाई वास्ता नगर्दा दुःख आइपर्न सक्छ । परिवारजनबाट टाढिनुपर्ला । कामका लागि गरिएको भ्रमण निष्फल हुनसक्ने योग छ ।

कुम्भ राशि (गु, गे, गो, सा, सि, सु, से, सो, द): आजको दिन सानातिना काम र घरेलु समस्यामै अल्झनुपर्ने देखिन्छ । पठनपाठनमा समय दिन नसकिएला । कसैको आलोचनाको शिकार बन्नुपर्ने योग छ । खर्च गरेर पनि त्यति फाइदा उठाउन नसकिएला । प्रयत्न गर्दा पनि उपलब्धि हासिल गर्न गाह्रो पर्ने देखिन्छ ।

मिन राशि (दि, दु, थ, झ, ञ, दे, दो, च, चि): काममा रोकावट र मानसम्मानमा आघात पुग्ने समय भएपनि सोच्दै नसोचेको काम सम्पादन हुने योग परेको छ । लेनदेनमा विवाद होला । नियमित काममा पनि विभिन्न समस्या आउन सक्छन् ।

Ads

सम्बन्धित पोष्टहरू