भारतीय जनता पार्टी (भाजपा)का विदेश विभाग प्रमुख विजय चौथाईवाले नेपाल आएका छन् ।
तीन दिने भ्रमणका क्रममा उनी आज बिहान काठमाडौं आइपुगेका हुन् । भ्रमणका क्रममा उनले उच्च स्तरीय राजनीतिक भेटघाट गर्ने कार्यक्रम छ ।
तीन दिने बसाइमा उनले प्रधानमन्त्री केपी शर्मा ओलीसहित सत्ता गठबन्धनका प्रमुख नेताहरू, प्रतिपक्षी दलका नेता र मधेशी मोर्चाका नेतासँग भेटघाट गर्ने कार्यक्रम छ ।
नेपालका सबै राजनीतिक दलहरूसँग सम्बन्ध अझ प्रगाढ बनाउन उनको भ्रमणको प्रमुख उद्देश्य रहेको भाजपाले जनाएको छ ।
प्रतिक्रिया दिनुहोस्