पतञ्जली जग्गा हिनामिना प्रकरणमा भ्रष्टाचार मुद्दा खेपेका नेकपा एसका अध्यक्ष एवं पूर्वप्रधानमन्त्री माधव कुमार नेपालको थुनछेक बहस शुरू भएको छ ।
विशेष अदालत काठमाडौंमा बुधबार अपरान्हपछि थुनछेक बहस शुरू भएको हो ।
न्यायाधीशहरू तेजनारायण सिंह राई, रामबहादुर थापा र विदुर कोइरालाको संयुक्त इजलासमा बुधबार अपरान्ह थुनछेक बहस शुरू भएको हो । यसअघि बुधबार नै उनको बयान भएको थियो ।
थुनछेक बहसमा नेपालको तर्फबाट बहस गर्न १२० जना अधिवक्ताले वकालतनामा दर्ता गराएका छन् । अधिवक्ता परिवर्तन राईले १ सय २० जनाले नाम टिपाएको जानकारी दिए ।
वरिष्ठ अधिवक्ता शम्भु थापा, गोविन्द बन्दी, गोपालकृष्ण घिमिरे, रमण श्रेष्ठ, खम्बबहादुर खाती लगायतले थुनछेक बहसमा सहभागी हुने तयारी गरेका छन् ।
पतञ्जलीको लागि जग्गा दिँदा कानून विपरीत निर्णय गराएको भन्दै अख्तियार दुरुपयोग अनुसन्धान आयोगले पूर्वप्रधानमन्त्री नेपालविरुद्ध जेठ २२ गते विशेष अदालतमा मुद्दा दर्ता गरेको थियो ।
प्रतिक्रिया दिनुहोस्