फिफा विश्वकप २०२६ मा साउथ अफ्रिकाले शानदार पुनरागमन गर्दै नकआउट चरणमा स्थान सुरक्षित गरेको छ। समूह ‘ए’ अन्तर्गत अन्तिम खेल दिन नाटकीय नतिजा निस्कँदा साउथ अफ्रिकाले अन्तिम ३२ मा स्थान बनाएको हो।
अन्तिम खेलअघि समूहको पुछारमा रहेको साउथ अफ्रिकाले साउथ कोरियालाई १–० गोल अन्तरले पराजित गर्दै महत्वपूर्ण तीन अंक बटुल्यो। नकआउट सम्भावना जीवित राख्न जित्नैपर्ने दबाबमा रहेको साउथ अफ्रिकाले उत्कृष्ट प्रदर्शन गर्दै निर्णायक सफलता हात पारेको थियो।
त्यसैबीच समूहको अर्को खेलमा मेक्सिकोले चेक रिपब्लिकलाई पराजित गर्यो। यस नतिजाले समूहको समीकरण पूर्ण रूपमा परिवर्तन गरिदियो र साउथ अफ्रिका पुछारबाट उक्लिँदै दोस्रो स्थानमा पुग्न सफल भयो।
समूह ‘ए’ बाट मेक्सिकोले लगातार तीनै खेल जित्दै ९ अंकसहित समूह विजेताको रूपमा नकआउट चरणमा प्रवेश गर्यो। साउथ अफ्रिका ४ अंकसहित उपविजेता बन्दै अन्तिम ३२ मा पुग्यो।
साउथ कोरिया ३ अंकसहित तेस्रो स्थानमा सीमित रहँदा चेक रिपब्लिक समूहको पुछारमा रहँदै प्रतियोगिताबाट बाहिरियो।
सुरुआती चरणमा कठिन अवस्थामा देखिएको साउथ अफ्रिकाले अन्तिम खेलमा जित निकाल्दै विश्वकपको नकआउट यात्रा सुनिश्चित गरेको छ। समूह चरणको अन्तिम दिन प्राप्त यो सफलता प्रतियोगिताकै सबैभन्दा रोमाञ्चक पुनरागमनमध्ये एक मानिएको छ।
प्रतिक्रिया दिनुहोस्