पाँच पटकको विश्व विजेता ब्राजिल फिफा विश्वकपको अन्तिम १६ (नकआउट चरण) मा प्रवेश गरेको छ।
राउन्ड अफ ३२ अन्तर्गत सम्पन्न रोमाञ्चक र प्रतिस्पर्धात्मक खेलमा जापानलाई २–१ गोल अन्तरले पराजित गर्दै ब्राजिलले अर्को चरणको यात्रा तय गरेको हो। खेलको २९औँ मिनेटमा काइशु सानोले गोल गर्दै जापानलाई सुरुवाती १–० को अप्रत्याशित अग्रता दिलाएपछि पहिलो हाफभरि ब्राजिल निकै दबाबमा देखिएको थियो। तर, दोस्रो हाफमा आफ्नो स्वभाविक र आक्रामक खेलमा फर्किएको ब्राजिलका लागि ५६औँ मिनेटमा कासेमिरोले शानदार गोल गर्दै खेललाई १–१ को बराबरीमा ल्याए।
खेल अतिरिक्त समयतर्फ धकेलिने संकेत देखिइरहेका बेला वैकल्पिक खेलाडीका रूपमा मैदान छिरेका गाब्रियल मार्टिनेलीले खेलको अन्तिम समयमा निर्णायक गोल गर्दै ब्राजिलको २–१ को रोमाञ्चक जित सुनिश्चित गरे। यो पराजयसँगै उत्कृष्ट चुनौती दिएको जापानको विश्वकप यात्रा राउन्ड अफ ३२ मै समाप्त भएको छ भने उपाधि दाबेदार ब्राजिलले अब अन्तिम १६ मा आइभोरी कोस्ट र नर्वेबीचको विजेतासँग प्रतिस्पर्धा गर्नेछ।
प्रतिक्रिया दिनुहोस्