हेमन्त केसी
सुर्खेत । गरिवीका कारण कमाइका लागि वर्षेनी भारत गएर जिन्दगीको गुजारा चलाउने जाजरकोट भेरी नगरपालिका–११ का कट्टी गाउँका दलीत समुदायलाई राहत वितरण गरिएको छ ।
दलीत समुदायलाई चिसोबाट जोगाउनका लागि कपडा वितरण गरिएको सशस्त्र प्रहरी परिवार महिला संघकी केन्द्रीय कार्यकारिणी सदस्य प्रतिमा हमालले जानकारी दिइन् । यहाँका १४० घर परिवारलाई उक्त राहत स्वरुप कपडा वितरण गरिएको उनले बताइन् ।
उक्त कार्यक्रममा संघकी केन्द्रीय अध्यक्ष अनिता लामिछाने अर्यालको सहभागिता रहेको थियो । राहत वितरण कार्यक्रममा सशस्त्र प्रहरीका महानिरीक्षक राजु अर्यालको समेत सहभागिता थियो । पहिलो पटक जाजरकोटको दलित बस्तीमा राहत वितरण गरिएको यहाँका सर्वसाधारण खुसी भएका छन् ।
गरिवीकै कारण यहाँका केही घरधुरीले घरबार नै छाडेर भारत गइसकेका छन् । साहुको ऋण तिर्न नसकेर उनीहरू भारत गएको स्थानीबासीले बताए ।
प्रतिक्रिया दिनुहोस्