काठमाडौं । नेकपा (माओवादी केन्द्र) को स्थायी कमिटी बैठक शुरु भएको छ । महाधिवेशन स्थल प्रज्ञा भवन कमलादीमा स्थायी कमिटीको बैठक शुरु भएको छ ।
माओवादीले विभिन्न ७ वटा भूगोल र तीन वटा गैरभूगोलबाट आएका केन्द्रीय सदस्यका समावेशी नामको टुङगो लगाउन बैठक बसेको बताइएको छ ।
माओवादीको बन्दसत्र आज दिउँसो १ बजेदेखि शुरु हुँदैछ । पार्टीको नयाँ नेतृत्व चयन गदैं आठौं महाधिवेशन आज सम्पन्न गर्ने तयारीमा माओवादी रहेको छ।
दिँउसो २ बजेसम्म निर्वाचन कार्यतालिका स्थगित गरेर पार्टीको केन्द्रीय कमिटी सर्वसम्मत बनाउने प्रयासमा माओवादी नेतृत्व जुटेको छ ।
पहिले २९९ सदस्य केन्द्रीय समिति र निर्वाचित भएको केन्द्रीय समितिले पदाधिकारी चयन गर्ने माओवादीको विधानको ब्यवस्था छ । त्यही नेतृत्वका विषयमा छलफल गर्नका लागि अहिले पार्टीको स्थायी समिति बैठक जारी रहेको छ ।
प्रतिक्रिया दिनुहोस्