काठमाडौँ । युरोपेली संसदका अध्यक्ष डेभिड सासोलीको आज(मंगलबार) निधन भएको छ । ६५ बर्षको उमेरमा इटलीमा आज बिहान निधन भएको अधिकारीहरुले जनाएका छन् ।
सासोलीको प्रवक्ता रोबर्टो कुइल्लोका अनुसार इटलीस्थित एक अस्पतालमा उपचार भइरहेका बेला उनको निधन भएकोे छ । प्रतिरक्षा प्रणालीमा समस्या देखिएपछि डिसेम्बर २६ देखि अस्पतालमा भर्ना भएका थिए ।
ससोली पहिलो पटक सन् २००९ मा युरोपेली संसदमा निर्वाचित भएका थिए । इटलीका राम्रा राजनीतिज्ञका रुपमा चिर परिचित सासोली गत दुई हप्ताभन्दा अगाडिदेखि अस्पतालमा उपचाररत थिए । उनी युरोपेली संसदको अध्यक्षका रुपमा भने सन् २०१९ मा निर्वाचित भएका हुन् ।
प्रतिक्रिया दिनुहोस्