काठमाडौँ, । राष्ट्रपति विद्यादेवी भण्डारीले ३००औँ पृथ्वी जयन्तीका अवसरमा सिंहदरबार पश्चिम मूलढोकामा पुगेर राष्ट्रनिर्माता पृथ्वीनारायण शाहका सालिकमा पुष्पहार अर्पण गर्नुभएको छ ।
नेपाल प्रज्ञा प्रतिष्ठान, नेपाल ललित कला प्रज्ञा प्रतिष्ठान, नेपाल सङ्गीत तथा नाट्य प्रज्ञा प्रतिष्ठान र सांस्कृतिक संस्थानद्वारा संयुक्त रुपमा आज आयोजित कार्यक्रममा राष्ट्रपति भण्डारीले नेपाल एकीकरणका नायकप्रति पुष्पहार अर्पण गरेर सम्मान प्रकट गर्नुभएको हो ।
सोही अवसरमा पूर्वराजा ज्ञानेन्द्र शाहलेसमेत सिंहदरबार अगाडि पुगेर पृथ्वीनारायण शाहको सालिकमा मर्यापर्ण गर्नुभएको छ । पहिलो पटक पूर्वराजा ज्ञानेन्द्र सिंहदरबारको पश्चिम मूलढोका अगाडि पुग्नुभएको हो ।
संस्कृति, पर्यटन तथा नागरिक उड्ययनमन्त्री प्रेमबहादुर आले तथा आयोजक चारवटै संस्थाका तर्फबाट पनि राष्ट्रनिर्माताका सालिकमा माल्यार्पण गरिएको थियो ।
मंगलबार बिहानै कमलादीस्थित प्रज्ञा प्रतिष्ठानबाट सांस्कृतिक झाँकीसहित शोभायात्रा राजधानीको विभिन्न भाग परिक्रमा गरी सिंहदरबारको पश्चिम मूलढोकामा आइपुगेको थियो । तस्बिर रासस लगायत ।
प्रतिक्रिया दिनुहोस्