काठमाडौँ । पछिल्लो २४ घण्टामा एक हजार ९ सय ८१ जना कोरोना भाइरस संक्रमित थपिएका छन् । दश हजार ६ सय ४८ जनामा आरटीपीसीआर परीक्षण गरिएकोमा एक हजार ९ सय ८१ जनामा कोरोना संक्रमण पुष्टि भएको छ भने एक जनाको मृत्यु भएको स्वास्थ्य तथा जनसङ्ख्या मन्त्रालयले जनाएको छ ।
४ हजार ३ सय ८५ जनामा एन्टीजेन परीक्षण गरिएकोमा ४ सय ६३ जनामा कोरोना सङ्क्रमण देखिएको छ । स्वास्थ्य मन्त्रालयले नेपालमा कोरोना सङ्क्रमणमुक्त हुने दर ९७.५ प्रतिशत रहेको जनाएको छ । २४ घण्टामा ३ सय १३ जना कोरोनामुक्त भएका छन् ।
देशभर हालसम्म ९ हजार ५ सय २२ जना सक्रिय संक्रमित रहेको स्वास्थ्य मन्त्रालयले जानकारी दिएको छ । मन्त्रालयका अनुसार २४ घण्टामा एक लाख ८० हजार ४ सय ५७ जनाले कोरोना विरुद्धको खोप लगाएका छन् ।
प्रतिक्रिया दिनुहोस्