कठमाडौँ । सहिद स्मारक ‘ए’ डिभिजन लिग फुटबलको नवौं चरणका खेलहरु सुरु हुँदैछन् । आठौ चरणका खेलहरु सकिएलगत्तै आज(शुक्रबार)बाट नवौँ चरणका खेलहरु सुरु हुने भएका छन् ।
लिगको नवौं चरण अन्तर्गत आज त्रिपुरेश्वरस्थित दशरथ रंगशालामा सुरुआती दुई खेलहरु हुनेछन् । दिउँसो १ बजे देखी हुन पहिलो खेलमा विभागीय टोली एपीएफ र हिमालयन शेर्पाबीच प्रतिस्पर्धा हुनेछ । एपीएफ लिगको दशौँ स्थानमा रहेको छ भने हिमालयन लिगको छैटौं स्थानमा छ ।
पौने ५ बजे हुने दोस्रो खेलमा मनाङ मर्स्याङ्दी फुटबल क्लब र सातदोबाटो युथ क्लब भिड्नेछन् । १९ अंक जोडेर मनाङ दोस्रो स्थानमा पुगेको छ भने सातदोबाटो ९ अंक जोडेर आठौं स्थानमा रहेको छ ।
भोलि शनिवारको खेलमा फ्रेन्ड्सले त्रिभुवन आर्मी फुटबल क्लबसँग र थ्री स्टार क्लबले सङ्कटा क्लबसँग भिड्ने छन् । नवौँ चरणको अन्तिम खेल न्युरोड टिम (एनआरटी) र जावलाखेल युथ क्लब विचको हुनेछ ।
प्रतिक्रिया दिनुहोस्