काठमाडौं । सहिद स्मारक ‘ए’ डिभिजन लिग फुटबलको जारी नवौं चरण अन्तर्गत आज(आइतबार) दुई खेलहरु हुँदैछन् । लिगको नवौं चरण अन्तर्गत आज त्रिपुरेश्वरस्थित दशरथ रंगशालामा दुई खेलहरु हुनेछन् ।
पहिलो खेलमा ब्रिगेड ब्वाइज क्लब र मछिन्द्र क्लबबीच प्रतिस्पर्धा हुनेछ । ब्रिगेड र मछिन्द्रबीचको खेल दिउँसो १ बजेबाट सुरु हुनेछ ।
ब्रिगेड ८ खेलमा ६ अंक जोडेर १२ औं स्थानमा रहेको छ भने मछिन्द्रले ८ खेलमा २० अंक जोड्दै शीर्ष स्थानमा रहेको छ ।
दिउसो पौने पाँच बजे हुने दोस्रो खेलमा नेपाल पुलिस क्लब र च्यासल युथ क्लबबीच प्रतिस्पर्धा हुनेछ । पुलिस ८ खेलमा ७ अंक जोडेर ११ औं स्थानमा रहेको छ भने ८ खेलमा ५ अंक जोडेर च्यासल १३ औं स्थानमा रहेको छ ।
प्रतिक्रिया दिनुहोस्