काठमाडौं । पछिल्लो २४ घण्टामा पाँच हजार सात सय ४७ जना कोरोना संक्रमित थपिएका छन् ।
१४ हजार १४ जनामा आरटीपीसीआर परीक्षण गरिएकोमा पाँच हजार ७ सय ४७ जनामा कोरोना संक्रमण पुष्टि भएको र पाँच सय ४७ जना कोरोनामुक्त भएको स्वास्थ्य तथा जनसंख्या मन्त्रालयले जनाएको छ ।
त्यस्तै, तीन हजार ४ सय ५१ जनामा एन्टीजेन परीक्षण गरिएकोमा नौ सय ८७ जनामा कोरोना संक्रमण देखिएको छ । स्वास्थ्य मन्त्रालयका अनुसार पछिल्लो २४ घण्टामा तीन जनाको मृत्यु भएको छ ।
नेपालमा कोरोना सङ्क्रमणमुक्त हुने दर ९५.१ प्रतिशत रहेको र नेपालमा हालसम्म कोरोनाबाट ११ हजार ६ सय २३ जनाको मृत्यु भएको मन्त्रालयले जनाएको हो ।
देशभर हालसम्म ३० हजार ८७७ जना सक्रिय संक्रमित रहेका छन् । पछिल्लो २४ घण्टामा एक लाख ४३ हजार ३६० जनाले कोरोनाविरुद्धको खोप लगाएका छन् ।
प्रतिक्रिया दिनुहोस्