नवौ चरणको अन्तिम खेल : एनआरटीद्धारा जावलाखेल पराजित

काठमाडौं । शहीद स्मारक ‘ए’ डिभिजन लिगमा आज(सोमबार) भएको एक मात्र खेलमा एनआरटीले जावलाखेल युथ क्लबलाई २–० ले पराजित गरेको छ ।

नवौ चरणको अन्तिम खेल आज दशरथ रंगशालामा भएको थियो । पहिलो हाफमा गोलरहित बराबरी भएको खेलमा ६८ औं मिनेटमा दर्शनले गोल गर्दै टोलीलाई अग्रता दिलाएका थिए भने ७३ औं मिनेटमा पनि दर्शनले नै व्यक्तिगत दोस्रो गोल गरेका हुन् ।

यो जितसँगै एनआरटीले दुई स्थान सुधार गर्न सफल भएको छ । नौ खेलबाट १३ अंक जोडेको एनआरटी छैटौं स्थानमा रहेकोे छ भने  जावलाखेल नौ खेलबाट ८ अंकसहित दशौं स्थानमा रहेको छ ।