काठमाडौँ । प्रधानमन्त्री कप टी–ट्वान्टी क्रिकेट प्रतियोगिताको फाइनल खेल आज(बुधबार) हुँदैछ । बिहान १० बजे देखी टियु क्रिकेट मैदानमा हुने फाइनलमा दुई विभागीय टोली नेपाल एपीएफ क्लब र नेपाल पुलिस क्लब बिच प्रतिष्पर्धा हुनेछ ।
एपीएफले दोस्रो सेमिफाइनलमा त्रिभुवन आर्मी क्लबलाई हराएर पुलिससँगको भेट पक्का गरेको हो भने पुलिसले सेमिफाइनलमा बागमती प्रदेशलाई हराएको थियो ।
पहिले एकदिवसीय फर्म्याटमा हुँदै आएको पीएम कप यस पटक ओमानमा हुने आईसीसी टी–ट्वान्टी विश्वकपको ग्लोबल छनोटलाई मध्यनजर गर्दै नेपाल क्रिकेट संघ (क्यान)ले टी–ट्वान्टी फर्म्याटमा प्रतियोगिता गरेको हो ।
प्रतियोगितामा १० टोली सहभागि रहेका थिए । प्रतियोगिताको विजेताले पाँच लाख र उप–विजेताले तीन लाख रुपैयाँ प्राप्त गर्नेछन् ।
प्रतिक्रिया दिनुहोस्