काठमाडौँ । पछिल्लो २४ घण्टामा ११ हजार तीन सय ५२ कोरोना भाइरसका नयाँ संक्रमित थपिएका छन् । १८ हजार ७८ जनामा आरटीपीसीआर परीक्षण गरिएकोमा नौ हजार ५ सय २ जनामा कोरोना संक्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
पाँच हजार तीन सय ३१ जनामा एन्टीजेन परीक्षण गरिएकोमा एक हजार ८ सय ५० जनामा कोरोना संक्रमण देखिएको छ । आजको संक्रमित संख्या एकै दिनमा पुष्टि भएको हालसम्मकै सबभन्दा धेरै संक्रिमत संख्या हो । स्वास्थ्य मन्त्रालयले नेपालमा कोरोना संक्रमण मुक्त हुने दर ९५.२ प्रतिशत रहेको जनाएको छ ।
पछिल्लो २४ घण्टामा ६ सय १३ जना कोरोनामुक्त भएका छन् भने चार जनाको मृत्यु भएको छ ।
हाल देशभरमा ४७ हजार ९ सय २९ जना संक्रिय संक्रमित रहेका छन् ।
प्रतिक्रिया दिनुहोस्