काठमाडौँ । २० औं संस्करणको आहा रारा गोल्डकप फुटबल प्रतियोगिताको फाइनल खेल आज(शनिबार) हुँदैछ । पोखरा रंगशालामा दिउँसो २ बजेदेखी हुने फाइनल खेलमा मनाङ मर्स्याङ्दी क्लब र विभागीय टिम नेपाल एपीएफ क्लबबिच प्रतिष्पर्धा हुने भएको छ ।
मनाङ र एपीएफ आज उपाधि जित्ने तयारीमा रहेका छन् । ६ पटक सम्म उपाधि जितिसकेको मनाङले यो पटक पनि उपाधि जित्ने दाउमा रहेको छ भने एपीएफ पहिलो पटक उपाधि जित्नका लागी आतुर रहेको छ । मनाङले सेमिफाइनलमा त्रिभुवन आर्मी क्लबलाई पेनाल्टी सुटआउटबाट ४–३ अन्तरले हराउँदै फाइनलमा प्रवेश गरेको हो । एपीएफलले मछिन्द्रलाई ३–१ ले हराउँदै १४ वर्षपछि फाइनलमा प्रवेश गरेको छ ।
सहारा क्लब पोखराको आयोजनामा जारी प्रतियोगिताको विजेताले १० लाख १ हजार र उपविजेता टिमले ५ लाख १ हजार प्राप्त गर्ने छन् । यस वर्ष पनि स्वर्गीय सूर्यबहादुर केसीको स्मृतिमा उत्कृष्ट ५ विधाको पुरस्कार प्रदान गरिने छ ।
प्रतिक्रिया दिनुहोस्