तोलामा १००० रुपैयाँले घट्यो सुनको मूल्य

काठमाडौं । नेपाली बजारमा आज सुनको मूल्य घटेको छ । बुधबार तोलामा ६०० ले बढेको सुनको मूल्य बिहीबार भने १ हजारले घटेको हो ।नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख ८ हजार ८०० मा कारोबार

भइरहेको छ भने तेजाबी सुनको मूल्य प्रतितोला १ लाख ८ हजार ३०० रुपैयाँ कायम भएको छ । त्यस्तै, आज चाँदी १ हजार ३५० रुपैयाँमा कारोबार भइरहेको छ । बुधबारको तुलनामा चाँदीको मूल्य प्रतितोला १० रुपैयाँ घटेको हो ।