काठमाडौँ । पछिल्लो २४ घण्टामा पाँच हजार दुई सय ९२ जना नयाँ कोरोना भाइरस संक्रमित थपिएका छन् । १६ हजार ८८ जनामा आरटीपीसीआर र एन्टीजेन परीक्षण गर्दा पाँच हजार दुई सय ९२ जनामा कोरोना भाइरस संक्रमण देखिएको स्वास्थ्य तथा जनसङ्ख्या मन्त्रालयले जनाएको छ ।
पछिल्लो २४ घण्टामा आठ हजार एक सय ९१ जना कोरोना संक्रमणमुक्त भएका छन् भने ८ जनाको मृत्यु भएको छ । सोहि अवधिमा २४ घण्टामा तीन लाख ६६ हजार छ सय तीन जनाले कोरोनाविरुद्धको खोप लगाएका छन् ।
नेपालमा हालसम्म कोरोना संक्रमणबाट ११ हजार सात सय ४३ जनाको मृत्यु भएको मन्त्रालयले बताएको छ । हाल सक्रिय संक्रमितको संख्या ७९ हजार दुई सय ७२ रहेको छ ।
प्रतिक्रिया दिनुहोस्