काठमाडौँ । नेपालमा पछिल्लो २४ घण्टामा तीन हजार छ सय ३७ जना नयाँ कोरोना भाइरस संक्रमित थपिएका छन् ।
११ हजार पाँच सय ८२ जनामा आरटीपीसीआर र एन्टीजेन परीक्षण गर्दा तीन हजार छ सय ३७ जनामा कोरोना भाइरस संक्रमण देखिएको स्वास्थ्य तथा जनसङ्ख्या मन्त्रालयले जनाएको छ ।
पछिल्लो २४ घण्टामा सात हजार पाँच सय ५५ जना कोरोना संक्रमणमुक्त भएका छन् भने १२ जनाको मृत्यु भएको छ । सोहि अवधिमा आठ लाख १५ हजार सात सय ९६ जनाले कोरोनाविरुद्धको खोप लगाएका छन् ।
नेपालमा हालसम्म कोरोना संक्रमणबाट ११ हजार सात सय ५२ जनाको मृत्यु भएको छ भने हाल नेपालमा सक्रिय संक्रमितको संख्या ६९ हजार दुइ सय ९१ रहेको छ ।
नेपालभर औषत संक्रमणदर ३३. ९ प्रतिशत रहेको मन्त्रालयले बताएको छ ।
प्रतिक्रिया दिनुहोस्