काठमाडौँ । अन्तर्राष्ट्रिय मैत्रीपूर्ण खेल र गोल्डकप प्रतियोगिताको लागि स्थगित गरिएको शहीद स्मारक ए डिभिजन लिगअन्तर्गत १०औं चरणको खेल शुरू हुने भएको छ ।
माघ ३ गते सम्म यस सिजनको नवौँ चरणका खेलहरु भएपनि २ गतेको लागी तय भएको खेल स्थगीत गरिएको थियो । च्यासल युथ क्लबका १९ जना खेलाडीमा कोरोना भाइरस संक्रमण भएपछि च्यासल र नेपाल पुलिस क्लबबीचको खेल स्थगीत भएको हो ।
स्थगीत खेल आगामी शनिबार हुने अखिल नेपाल फुटबल संघ एन्फाले जानकारी दिएको छ ।
शनिबार नवौँ लिगको स्थगीत एक खेल भएपछि यहि माघ २८ देखि लिगको १०औँ चरणका खेलहरु शुरू गर्ने तयारी भएको लिग कमिटीका निर्देशक सन्जिव मिश्रले जानकारी दिएका छन् ।
प्रतिक्रिया दिनुहोस्